اداکارہ نیلم منیر کے انسٹاگرام پر چرچے

تفصیلات کے مطابق ڈرامہ'قیامت 'میں مرکزی کردار ادا کرنے والی  اداکارہ نیلم منیر  انسٹاگرام پر 5 ملین فالوورز کے بعد پاکستان میں انسٹاگرام پر  زیادہ فالو کی جانے والی اداکاراؤں کی فہرست میں اپنی جگہ بنانے میں کامیاب ہوگئی ہیں۔

اگر  نیلم منیر کے انسٹا گرام  اکاؤنٹ پر نظر دوڑائی جائے تو   انھوں نے اب تک  صرف 6  لوگوں کو فالو کیا ہوا ہے  جن میں ان کے قریبی عزیز شامل ہیں اور 966 پوسٹ  کی ہیں  جن میں ان کی خوبصورت تصاویر بھی  شامل ہیں۔

با صلاحیت اور   ہر دلعزیزاداکارہ  نیلم منیر  منفرد اداکاری سے لاکھوں دلوں پر راج کرتی ہیں۔ نیلم منیر کے ڈرامہ سیریل ’قیامت‘   میں ان کے کردار کو بہت پسند کیا جا رہا ہے ۔ اس میگاہٹ سیریل کے اہم ستاروں میں احسن خان، نیلم منیر، امر خان اور ہارون شاہد شامل ہیں۔

واضح رہے کہ اس سے  قبل دل موم کا دیا ،بکھرے موتی  ، کہیں دیپ جلے  اور کئی دیگر  ڈراموںمیں  بھی نیلم منیر کے کردار کو بہت سراہا گیا  تھا۔