آزاد کشمیر انتخابات ، ‎قتل کے مقدمے میں سزا یافتہ ملزم کوپی ٹی آئی کا ٹکٹ جاری ہونے کا انکشاف

تفصیلات کے مطابق  آزاد کشمیرانتخابات 2021‏ میں ‎ ‎قتل کے مقدمے میں سزا یافتہ ملزم کو پاکستان تحریک انصاف  (پی ٹی آئی)  کا ٹکٹ جاری ہونے کا انکشاف ہوا ہے۔پاکستان تحریک انصاف (پی ٹی آئی ) نے آزاد کشمیر کے ضلع کوٹلی کے حلقہ راج محل میں ملک ظفر کو ٹکٹ ‏جاری کیا‎ ‎ہے۔

جی این این کے مطابق ‎ ‎مقتول خاندان ملک ظفر کو ٹکٹ جاری کرنے پر سراپا احتجاج‎ ‎ہیں ۔مقتول سید آصف نقوی کے ورثاء نے  پی ٹی آئی مرکزی سیکرٹریٹ کے باہر احتجاجی ‏مظاہرہ‎ ‎کیا ۔

لواحقین کا کہنا تھا  کہ  سید آصف نقوی کے قاتل کو ٹکٹ دے کر ہمارے زخموں پر نمک چھڑکا گیا ہے، ‎  عمران خان ملک ظفر سے ٹکٹ فوری واپس لیں، ‎ ملک ظفر کیخلاف قتل کا مقدمہ زیر التواء ہے، ‎ ‎ملک ظفر ممبر اسمبلی بن گیا تو کیس پر اثر انداز ہوگا۔لواحقین کا کہنا تھا کہ ‎ ‎پی ٹی آئی امیدوار تین سال تک قتل کے مقدمے میں جیل کاٹ چکا ہے۔

خیال رہے کہ   آزادکشمیر کے عام انتخابات رواں سال  جولائی کے مہینے میں ہونگے۔

گزشتہ ہفتے نیشنل کمانڈ اینڈ آپریشن  سینٹر (این سی او سی )  کی طرف سے چیف الیکشن کمشنر آزاد کشمیر کو لکھا گیا  خط سامنے آیا تھا۔ این سی او سی نے موجودہ حالات کے پیش نظر انتخابات کو 2 ماہ کے لیے ملتوی کرنے کی تجویز دی تھی۔

خط میں کہا گیا تھاکہ  کورونا کی تیسری لہر سے پاکستان بہترین انداز میں نمٹ رہا ہے، این سی او سی کی موجودہ حکمت عملی بڑے پیمانے پر ویکسینیشن کو یقینی بنانا ہے، آزاد کشمیر میں اب تک 0.175 ملین کی آبادی کو ویکسینیشن کی جاچکی ہے، ستمبر کے آخر تک آزاد کشمیر میں دس لاکھ سے زائد آبادی کی ویکسینیشن مکمل ہوجائے گی۔

 خط میں کہا گیا تھا کہ  انتخابات میں بڑے پیمانے پر سیاسی و سماجی اجتماعات سے وباء میں اضافے کا خدشہ ہے،آزاد کشمیر میں کورونا شرح پہلے سے زیادہ ہے ، جولائی میں ہونے والے انتخابات سے اس میں مزید اضافہ ہوسکتا ہے، اس دورانیے میں بڑی تعداد میں شہریوں کی ویکسینیشن کو مکمل کیا جاسکے گا۔