احتساب اور کرپشن کے بیانیے کی ہنڈیا بیچ چوراہے پھوٹ چکی، رانا ثناء اللہ

صدر پنجاب مسلم لیگ ن رانا ثنااللہ خان نے پریس کانفرنس کرتے ہوئے کہا کہ   ن لیگ کو تنظیمی انداز میں سیاسی قوت بنانے کی کوشش کررہے ہیں ، ن لیگ انفارمیشن ونگ کو متحرک کررہے ہیں تاکہ قومی خدمت و خوشحالی ریاست کے طورپر بیانیے کو ووٹ کو عزت دی جائے۔

رانا ثناءاللہ نے کہا کہ   سیاسی استحکام کے بغیر ملک ترقی نہ کر سکا، تہتر سال سے ترقی کے بجائے ایک نقطہ کے گرد ہی گھوم رہے ہیں،  ن لیگ پر امن جدوجہد سے ملک کو جمہوری بناکر مضبوط بنائیں گے۔

انہوں نے کہا کہ   پی ٹی آئی فراڈ و جھوٹ پروپیگنڈہ کی حکومت ہے،  انتخابات کے موقع پر ڈرامہ کیا سارے کردار باری باری آکر سبز باغ دکھائے، پی ٹی آئی نے شعوری طورپر پوری قوم کے ساتھ فراڈ کیا ہے۔انہوں نے کہا کہ  بجٹ سے عوام کو کوئی فائدہ نہیں بلکہ حالات ابتر ہوں گے انہیں پتہ ہی نہیں گورننس کیسے کرنی ہے، وزیراعظم کرپشن کرپشن کرتے اس وقت جتنی کرپشن پنجاب میں اسکی مثال تہتر سال میں نہیں ملتی۔

مسلم لیگ ن پنجاب کے صدر کا کہنا تھا کہ   ڈپٹی کمشنر دو سے تین کروڑ روپے رشوت لے کر تعینات ہورہے ہیں،  تم اندھے ہو اوپر بیٹھ کر باتیں کرتے ہو کس طرح وزیراعلی ہاؤس کرپشن کی آمجگاہ بناہواہے، ایک آدمی جو ہر وقت اپوزیشن کو گالیاں دیتا اور کرپشن کاالاپ راگتاہے ، کرپشن میں ملک کو ڈبو دیا ایسی حالت پہلے نہ تھی فراڈ و جھوٹ پر وقت گزارنا چاہتے ہیں۔

رانا ثناءاللہ نے کہا کہ  2023میں  الیکشن پر گھروں سے باہر نکل کر انتخابی مہم  نہیں چلاسکتے، کیونکہ جو حال عوام کاکیاہے،  احتساب کرپشن کا بیانیہ چوراہے میں ہنڈیا پھوٹ چکی ہے،  ڈھائی سال میں پروپیگنڈہ کیا کچھ حاصل نہ ہوا۔انہوں نے کہا کہ  ہم کسی کو نہیں کہہ رہے حکومت گرا دیں، آپ ریت کی دیوار ہیں خود ہی گر جائیں گے۔

لیگی رہنما کا کہنا تھا کہ  ہم پیپلزپارٹی کے خلاف نہیں ہیں  ، بلاول بھٹو نے خود نوازشریف کوباہربھیجنے کا کہا تھا۔   ہمارا ہدف صرف یہ سلیکٹڈ حکومت ہے، پیپلزپارٹی ہدف نہیں اسی طرف ہدف رہنے دیں جو ہدف ہے۔