آئندہ الیکشن جیت گیا تو فیس بک کے بانی کو وائٹ ہاؤس کھانے پر نہیں بلاؤں گا، ڈونلڈ ٹرمپ

غیر ملکی خبر رساں ادارے کا کہ سابق امریکی صدر ڈونلڈ ٹرمپ نے اپنے فیس بک اور انسٹاگرام اکاؤنٹس کی 2 سالہ معطلی پر  مارک زکر برگ پر برہمی کا اظہار کرتے ہوئے کہا ہے کہ  آئندہ صدارتی الیکشن جیت گیا تو فیس بک کے بانی مارک زکر برگ کو کبھی وائٹ ہاؤس کھانے پر مدعو نہیں کروں گا۔

فیس بک انتظامیہ  کی جانب سے  یہ پابندی ان کے اکاؤنٹس سے اشتعال انگیز پوسٹوں اور پارلیمنٹ پر حملے کے تناظر پر عائد کی گئی ہے۔

خیال رہے کہ سابق امریکی صدر نے 2019 میں اپنے دور حکومت میں فیس بک کے بانی مارک زکر برگ کو کھانے پر وائٹ ہاؤس مدعو کیا تھا۔

قبل ازیں   سابق امریکی صدر ڈونلڈ ٹرمپ کا فیس بک اور انسٹاگرام اکاؤنٹ دو سال کے لیے معطل کردیا تھا۔

فیس بک کمپنی کے نائب صدر کا کہنا تھا کہ    ڈونلڈ ٹرمپ نے کمپنی کے رولز کی شدید خلاف ورزی کی، کمپنی نے ہر پہلو کا جائزہ لے کر معطلی کا فیصلہ کیا ہے کہ  ڈونلڈ ٹرمپ کے اکاؤنٹس 7 جنوری سے مکمل طور پر معطل ہوجائیں گے۔

ان کا مزید کہنا تھا کہ  فیس بک نے نئی پالیسی نافذ کردی ہے،جس کے بعد  رولز کی خلاف ورزی کرنے والی عوامی شخصیات بشمول سیاستدان پر جرمانے کیے جائیں گے۔

یاد رہے کہ جنوری میں فیس بک اور ٹوئٹر نےغیر معینہ مدت کیلئے امریکی صدر ڈونلڈ  ٹرمپ کے اکاؤنٹس کیپیٹل ہل کی عمارت پر حملے کے بعد معطل کردیے تھے۔