بانی چیئرمین پی ٹی آئی کیلئے معافی کی پیشکش موجود ہے، خواجہ آصف

وفاقی وزیر دفاع خواجہ آصف نے کہا ہے کہ بانی چیئرمین پی ٹی آئی کیلئے معافی کی پیشکش موجود ہے۔

خواجہ آصف کا کہنا تھا کہ معافی مانگنا یا نہ مانگنا سابق چیئرمین پی ٹی آئی کی مرضی ہے،ان کا کہنا تھا کہ جنہوں نے پریس کانفرنس کی ان پر بھی قانون کا اطلاق ہوتا ہے۔

وزیر دفاع کا کہنا تھا کہ ڈی جی آئی ایس پی آر نے بھی واشگاف الفاظ میں کہا کہ جو لوگ 9 مئی واقعات میں ملوث ہیں وہ معافی مانگیں،افسوسناک بات یہ ہے کہ شہداء کو نشانہ بنایا گیا۔

وزیر دفاع خواجہ آصف نے کہا کہ قومی ہیروز کے مجسموں کو مسمار کر کے کیا پیغام دیا گیا، 9مئی کو جو ہوا وہ پاکستان کی انا اور آبرو پر حملہ تھا۔