پاکستان

پیپلزپارٹی سندھ کارڈ استعمال کررہی ہے ،اسد عمر

کراچی : وفاقی وزیر اسد عمر کا کہنا ہے کہ سندھ کے لیے سالانہ ترقیاتی فنڈز کی مد میں تاریخی رقم رکھی گئی، سندھ کیساتھ کوئی امتیازی سلوک نہیں کیا جا رہا، پیپلزپارٹی سندھ کارڈ استعمال کررہی ہے۔

2 سال پہلے 07 جون 2021 - 03:27 صبح

پر شائع ہوا

ویب ڈیسک

کی طرف سے

پیپلزپارٹی سندھ کارڈ استعمال کررہی ہے ،اسد عمر

وفاقی وزیر منصوبہ بندی اسد عمر نے میڈیا سے گفتگو کرتے ہوئے کہا کہ وزیراعلیٰ سندھ نے کہا کہ سندھ کیساتھ تعصب برتاجا رہا ہے، سندھ کے لیے سالانہ ترقیاتی فنڈز کی مد میں تاریخی رقم رکھی گئی ہے، سندھ کیساتھ کوئی امتیازی سلوک نہیں کیا جا رہا ، ہم نے سندھ کے عوام پر پیسہ خرچ کرنا ہے،سندھ کی حکومت کیلئے نہیں ہے ، پیسہ اگر لگا نہیں تو سندھ کی عوام پر نہیں لگا۔

اسد عمر نے کہا کہ عمران خان نے سندھ کی عوام کے لیے تاریخی پیکج کا اعلان کیا، ماضی میں سندھ حکومت کو جو پیسے دیےگئےاس سے سرےمحل اورسوئٹزرلینڈ میں ہیروں کے ہار اور دبئی میں ٹاورز بھی بنے۔وزیراعلیٰ مراد علی شاہ سندھ کے عوام اور حکومت میں فرق نہیں کرپارہے، کراچی کے اندر نالوں پر اربوں روپے خرچ کیے جا رہے ہیں ، گرین لائن اگلے سال مکمل ہونے جا رہا ہےاس کیلئے پیسہ رکھے گئے ہیں، کئی سال سے کے فور کا منصوبہ تاخیرکا شکار تھا۔

وفاقی وزیراسد عمر کا کہنا تھا کہ سندھ کی یونیورسٹیز کیلئے 8 ارب روپے رکھے گئے ہیں، وفاق نے سندھ کےعوام کی سہولت کیلئے گرین لائن منصوبے کا آغاز کیا ، ہم نےحکومت میں آکر کے فور منصوبے کیلئے فنڈز مختص کیے۔وزیراعلیٰ سندھ شاید پوائنٹس ا سکورنگ کرنا چاہتے ہیں ، ابھی تک پیپلز پارٹی نے سندھ میں موٹرویز بنانے کیلئے ایک روپیہ خرچ نہیں کیا ، ہم 300ارب سے موٹرویز بنا رہے ہیں۔

وفا قی وزیرکا کہنا تھا کہ عمران خان کسی ایک علاقے کیلئے کام نہیں کرتے ، عمران خان تعصب کی سیاست نہیں کرتے ، یہ ہمارے لیے مشکلات پیدا کرنے کی کوشش کرتے ہیں ، یہ چاہتے ہیں کہ سندھ کے عوام کیلئے کام نہ ہوسکے ،سندھ کے عوام کیلئے کام ہوگا، سندھ حکومت گزشتہ 2 ہفتوں سے تعصب کی سیاست پر اتر آئی ہے، کبھی کہتے ہیں پنجاب نےہماراپانی چوری کر لیا،کبھی کچھ کہتے ہیں، پیپلزپارٹی سندھ کارڈ استعمال کررہی ہے۔

اگلی خبر

پی سی بی کالاہور سے انگلینڈ کیلئے چارٹرڈ فلائٹ لینے کا فیصلہ

مس نہ کریں

سندھ حکومت کا پیر سے دکانیں رات 8 بجے تک کھولنے کا فیصلہ

پڑھنا جاری رکھیں

تفریح

ہالی ووڈ کی معروف اداکارہ سوفی ٹرنر کے بچوں سے تعلقات بہتر ہونے لگے

دونوں فریق کے درمیان بہت سے معاملات پر مفاہمت ہوگئی ہے اور وہ تمام مسائل کے پرامن حل کی کوشش کر رہے ہیں

6 گھنٹے پہلے 05 مئی 2024 - 08:50 شام

پر شائع ہوا

ویب ڈیسک

کی طرف سے

ہالی ووڈ کی معروف اداکارہ سوفی ٹرنر کے بچوں سے تعلقات بہتر ہونے لگے

جونس برادرز کے معروف گلوکار جو جونس اور ہالی ووڈ کی معروف اداکارہ سوفی ٹرنر کے درمیان بچوں پر ہونے والے معاہدے کے بعد تعلقات بہتر ہونے لگے ہیں۔

عالمی خبررساں ادارے کے مطابق جو جونس کی جانب سے سوفی ٹرنر کے خلاف طلاق کے مقدمے کو خارج کرنے کی درخواست جمع کرائی گئی ہے۔

عدالتی ریکارڈ سے یہ بات سامنے آئی ہے کہ جو جونس اور سوفی ٹرنر، جنہوں نے 2019 میں شادی کی تھی، بچوں کی تحویل کے لیے عارضی معاہدے پر رضامندی ظاہر کی تھی جس کے بعد گلوکار نے 11 اکتوبر کو طلاق کا مقدمہ خارج کرنے کی درخواست بھی دائر کردی ہے ، بچوں کے معاملے پر ہونے والے معاہدے کے مطابق جو جونس اور سوفی ٹرنر نے عارضی تحویل کے انتظام پر اتفاق کیا تھا جس میں واضح کیا گیا تھا کہ دونوں اپنی بیٹیوں کو باری باری تین ہفتوں کے لئے اپنی تحویل میں رکھ سکتے ہیں۔

واضح رہے کہ اس کے علاوہ دونوں فریق کے درمیان بہت سے معاملات پر مفاہمت ہوگئی ہے اور وہ تمام مسائل کے پرامن حل کی کوشش کر رہے ہیں۔

پڑھنا جاری رکھیں

پاکستان

سعودی عرب کا اعلیٰ سطح کا تجارتی وفد پاکستان پہنچ گیا

وفد کی اسلام آباد آمد پر وفاقی وزراء مصدق ملک اور جام کمال خان نے استقبال کیا

7 گھنٹے پہلے 05 مئی 2024 - 08:35 شام

پر شائع ہوا

ویب ڈیسک

کی طرف سے

سعودی عرب کا اعلیٰ سطح کا تجارتی وفد پاکستان پہنچ گیا

اسلام آباد: سعودی عرب کا اعلیٰ سطح کا تجارتی وفد اتوار کو پاکستان پہنچا جو پاکستانی معیشت کے مختلف شعبوں میں سرمایہ کاری کے معاہدوں اور مفاہمت کی یادداشتوں پر دستخط کرے گا ۔

وفد کی اسلام آباد آمد پر وفاقی وزراء مصدق ملک اور جام کمال خان نے استقبال کیا۔

واضح رہے کہ زراعت، ٹیکنالوجی، ریٹیل اور کارپوریٹ سیکٹر سے تعلق رکھنے والی تیس سے زائد سعودی کمپنیوں کے سربراہان اس وفد کا حصہ ہیں۔

اس دورے سے پاکستان میں غیر ملکی سرمایہ کاری آئے گی اور پاکستان سعودی اقتصادی تعلقات کو نئی راہ ملے گی ۔

پڑھنا جاری رکھیں