اذلان شاہ ہاکی ٹورنامنٹ میں اعلیٰ کارکردگی، قومی ٹیم آج وزیراعظم کی مہمان بنے گی

اذلان شاہ ہاکی ٹورنامنٹ میں اعلیٰ کارکردگی کامظاہرہ کرنےپرقومی ٹیم آج وزیراعظم کی مہمان بنے گی۔

ذرائع کے مطابق وزیراعظم شہبازشریف ٹیم کی حوصلہ افزائی کرنے سمیت کھلاڑیوں کو انعامات سے نوازیں گے ۔ تقریب میں رانا مشہود احمد، ہاکی لیجنڈز بھی شرکت کرینگے ۔    

گزشتہ روز وزیر اعلیٰ پنجاب مریم نواز نے اذلان شاہ ہاکی ٹورنامنٹ میں بہترین کارکردگی پر قومی ہاکی ٹیم کے لیے 3 کروڑ روپے کے انعام سے نوازا تھا۔ اذلان شاہ ہاکی ٹورنامنٹ میں بہترین کارکردگی کا مظاہرہ کرنے والی قومی ہاکی ٹیم نے لاہور میں وزیر اعلیٰ پنجاب مریم نواز سےملاقات کی تھی۔

یاد  رہے کہ پاکستان نے اذلان شاہ ہاکی کپ  میں مسلسل میچز میں کامیابی حاصل کی تاہم 13 سال بعد فائنل میں پہنچنے والی ٹیم کو آخری میچ میں شکست کا سامنا کرنا پڑا۔ جاپان نے پنالٹی شوٹ آوٹ پر فائنل جیتا تھا۔