جی این این سوشل

پاکستان

ہم مقدمات کی پیروی کرتے کرتے تھک گئے ہیں، شیخ رشید

اس سے بہتر ہے کہ ہمیں سزا دی جائے، سربراہ عوامی مسلم لیگ

پر شائع ہوا

کی طرف سے

ہم مقدمات کی پیروی کرتے کرتے تھک گئے ہیں، شیخ رشید
جی این این میڈیا: نمائندہ تصویر

سابق وفاقی وزیر و سربراہ عوامی مسلم لیگ شیخ رشید کا کہنا ہے کہ ہم مقدمات کی پیروی کرتے کرتے تھک گئے ہیں، اس سے بہتر ہے کہ ہمیں سزا دی جائے۔

انسداد دہشت گردی عدالت میں میڈیا سے گفتگو کرتے ہوئے شیخ رشید نے کہا کہ ہم ان مقدمات سے تھک گئے ہیں ، ابھی تین مقدمات میں اسلام آباد پیشی ہے، ہم اس روز روز کی چخ چخ سے تھک گئے ہیں۔ہماری غیر موجودگی میں ہمارے گھروں میں ریڈ کرتے ہیں،بچوں کو لے جاتے ہیں اور خود ہیجڑوں سے مار کھاتے ہیں۔

ملک کی صورتِ حال پر اظہارِ خیال کرتے ہوئے شیخ رشید نے کہا کہ حکومت کا انجن ابھی سے دھواں دے رہا ہے۔ خرابیاں برقرار ہیں۔ 30 جون سے سیاست میں بڑی تبدیلیوں کی راہ ہموار ہوگی۔

انہوں نے کہا کہ عام آدمی کے لیے جینا وبال ہوگیا ہے۔ مہنگائی کا جن قابو میں نہیں آرہا۔ لوگ مہنگائی کے خلاف ایسے ہی نکلیں گے جیسے آزاد کشمیر اور راولا کوٹ میں نکلے ہیں۔ مہنگائی کا یہ حال ہے کہ لوگ مکان کا کرایہ دیں ،بجلی کا بل دیں یا بچے کی فیس دیں، 

دبئی پراپرٹی لیکس پر انہوں نے کہا کہ پانامہ کے بعد دبئی لیکس آگئی ہے جو حکومت کے خلاف ہے، اس حکومت کے رنگ پسٹن بیٹھے ہوئے ہیں اور پلگوں میں کچرا پھنسا ہوا ہے۔ 30جون سے پہلے پہلے سیاست میں جوڈو کراٹے ہونے ہیں، قوم نے وہی کرنا ہے جوآزاد کشمیر میں کیا ہے۔

سابق وفاقی وزیر نے مزید کہا کہ 9مئی کے واقعے پر جوڈیشل کمیشن بننا چاہیے،اس پرجو جو کرنا ہے کرو، ہم 2سال سے تاریخیں بھگت رہے ہیں، اس ملک میں انصاف دھکے کھارہا ہے،انصاف کا مذاق اڑ رہا ہے۔ اللہ کے بعد عدلیہ سے ہی امید وابستہ ہے۔

ان کاکہنا تھا کہ میرا تعلق صرف بانی پی ٹی آئی سے ہے میں پی ٹی آئی میں شامل نہیں، میرا بانی پی ٹی آئی سے احترام کا رشتہ ہے۔

شیخ رشید احمد کے وکلاء نے تمام مقدمات میں بریت کی درخواست دائر کر دی، انسداد دہشتگردی عدالت کے جج نے شیخ رشید کی درخواست 29 مئی تک ملتوی کردی جبکہ مقدمے کی آئندہ سماعت اڈیالہ جیل میں ہو گی۔

تجارت

سونے کی قیمتوں میں مسلسل چوتھے روز بھی کمی

سونے کی قیمت 1800 روپے کم ہوئی ہے جس کے بعد پاکستان میں سونے کی فی تولہ قیمت 2 لاکھ 40 ہزار 200 روپے ہوگئی

پر شائع ہوا

ویب ڈیسک

کی طرف سے

سونے کی قیمتوں میں مسلسل چوتھے روز بھی کمی

آج مسلسل چوتھے روز ملک میں سونے کی فی تولہ قیمت میں کمی دیکھنے میں آئی ہے۔

سونے کی قیمت 1800 روپے کم ہوئی ہے جس کے بعد پاکستان میں سونے کی فی تولہ قیمت 2 لاکھ 40 ہزار 200 روپے ہوگئی ہے۔

آل پاکستان جیمز اینڈ جیولرز ایسوسی ایشن کے مطابق کے مطابق 10 گرام سونے کی مالیت 1543 روپے کم ہو کر 2 لاکھ 5 ہزار 933 روپے ہوگئی ہے۔

دوسری جانب عالمی بلین مارکیٹ میں فی اونس سونے کی قیمت میں 20 ڈالر کی بڑی کمی ریکارڈ کی گئی جس کے بعد نئی عالمی قیمت 2338 ڈالر کی سطح پر آگئی۔

پڑھنا جاری رکھیں

پاکستان

پاکستان نیوی وار کالج میں  53 ویں کانوکیشن کا انعقاد

مہمان خصوصی ایڈمرل نوید اشرف نے کامیاب ہونے والے نیوی وار کالج کے گریجویٹس میں ڈگریاں تقسیم کیں

پر شائع ہوا

ویب ڈیسک

کی طرف سے

پاکستان نیوی وار کالج  میں   53 ویں کانوکیشن کا انعقاد

لاہور :  لاہور میں پاکستان نیوی وار کالج میں 53 ویں کانوکیشن کا انعقاد ہوا۔  
تقریب میں چیف آف نیول سٹاف ایڈمرل نوید اشرف نے  بطور مہمان خصوصی شرکت کی ،  پاکستان نیوی وار کالج  کی کانوکیشن میں فارغ التحصیل ہونے والے ننانوے افسران میں ڈگریاں تقسیم کی  گئیں۔ 

ذرائع کے مطابق فارغ التحصیل  ہونے والے  افسران میں 37 کا تعلق دوست ممالک سے ہے۔ 

چیف آف نیول سٹاف نوید اشرف نے تقریب سے خطاب فرماتے ہوئے کہا کہ ٹیکنا لوجی کا فروغ مقناطیسی طبیعت کا ہے ، ایڈمرل نوید اشرف نے میری ٹائم سے متعلق آگاہی مہم کے لیے نیول وار کالج کو سراہا ، انہوں نے خطاب کرتے ہوئے مزید کہا کہ جنگی حکمت عملی میں روایت کے بجائے جدت کو اپنایا جائے۔
مہمان خصوصی ایڈمرل نوید اشرف نے کامیاب ہونے والے نیوی وار کالج کے گریجویٹس میں ڈگریاں تقسیم کیں۔ 
تقریب میں بشمول مہمان خصوصی ،اعلیٰ عسکری حکام، سول معززین اور گریجویٹس کے اہل خانہ نے بھی شرکت کی۔

پڑھنا جاری رکھیں

علاقائی

مریم نواز پاکستان کے سب سے بڑے ملتان روڈ انٹر چینج کا افتتاح کر دیا

زیر اعلیٰ مریم نواز شریف نے تکمیل کے بعد رنگ روڈسدرن لوپ 3 کا بھی باقاعدہ آغاز کر دیا

پر شائع ہوا

ویب ڈیسک

کی طرف سے

مریم نواز پاکستان کے سب سے بڑے ملتان روڈ انٹر چینج کا افتتاح کر دیا

وزیر اعلیٰ پنجاب مریم نواز شریف نے پاکستان کے سب سے بڑے ملتان روڈ انٹر چینج کا افتتاح کردیا۔وزیر اعلیٰ مریم نواز شریف نے تکمیل کے بعد رنگ روڈسدرن لوپ 3  کا بھی باقاعدہ آغاز کر دیا۔

وزیراعلیٰ پنجاب مریم نواز نے کہا کہ ایک ماہ کے لئے ایس ایل تھری پرٹول ٹیکس معاف کیا جائے گا اور شہری مفت سفر کرسکیں گے۔وزیر اعلیٰ مریم نواز شریف نے ایس ایل فور پراجیکٹ کے لئے فوری اقدامات کی ہدایت بھی کی۔

اس دوران وزیراعلیٰ پنجاب نے اڈا پلاٹ سے ملتان روڈ انٹر چینج تک روڈ  کا معائنہ کیا ۔ صوبائی وزیر مواصلات ملک صہیب احمد برتھ نے مریم نواز کو پراجیکٹ کے بارے میں تفصیلی بریفننگ دی۔

بریفنگ کے دوران بتایا گیا کہ ایس ایل تھری ملتان روڈ انٹر چینج پنجاب کا سب سے بڑا انٹر چینج ہے ۔ جنوب سے آنے والی ٹریفک8 کلومیٹر طویل لاہور رنگ روڈ سدرن لوپ تھری پر چند منٹ میں ائیر پورٹ پہنچ سکے گی ۔

مریم نواز کا کہنا تھا کہ ایس ایل تھری بننے سے شہر کی اندرونی روڈ پر رش کم ہوگا۔ایس ایل تھری لاہور میں ٹریفک منیجمنٹ کیلئے بہت اہم ہے۔

انہوں نے کہا کہ ٹھوکر اور کینال روڈ پر بھی ٹریفک رش کم ہوگا ۔ وزیر اعلی مریم نواز شریف نے سیکرٹری تعمیرات و مواصلات اور ٹیم کی کارکردگی کو سراہا۔

پڑھنا جاری رکھیں

ٹرینڈنگ

Take a poll