حج کی تیاریوں کے سلسلے میں غلاف کعبہ کو اونچا کردیا گیا

حرمین شریفین انتظامیہ کی جانب سے ایام حج کے موقع پر غلاف کعبہ کو 3 میٹر اونچا کر دیا گیا۔

خالی ہونے والے حصے کو چاروں اطراف سے تقریباً دو میٹر چوڑے سفید سوتی کپڑے سے ڈھانپ دیا ہے۔

یہ پہلی بار نہیں ہوا بلکہ ہر سال حج کے سیزن پر غلاف کعبہ کی حفاظت کی خاطر ایسا کیا جاتا ہے۔

گزشتہ روز نماز عشاء کے بعد کعبہ کے بے نقاب حصے کو چاروں اطراف سے ڈھائی میٹر چوڑا اور 54 میٹر لمبا سفید سوتی کپڑے سے ڈھانپ دیا گیا تھا۔

غلاف کعبہ 15 ذی الحج تک زمین سے 3 میٹر اوپر رہے گا۔

خیال رہے کہ غلاف کعبہ کو چاروں اطراف سے بلند کیا جاتا ہے، اس عمل میں خصوصی ڈوریاں استعمال کی جاتی ہیں جن سے غلاف کعبہ کو بلند کرکے باندھا جاتا ہے۔