پروفیشنل سنوکر کوالیفائنگ ٹورنامنٹ میں پاکستان کی بھارت کو شکست

پروفیشنل سنوکر کوالیفائنگ ٹورنامنٹ میں پاکستان نے بھارتی کو شکست دے دی۔

کیو سکول ایشیا ٹورنامنٹ میں حمزہ نے لکشمن روات کو 4 - 2 سے شکست دی جبکہ حمزہ اکبر نے بھارتی کیوئسٹ کے خلاف آخری فریم میں 113 کا بریک بھی کھیلا۔

حمزہ اکبر دوسرے راؤنڈ میں تھائی لینڈ کے پاسا کورن سیتیکرائی سے مقابلہ کریں گے۔

ادھرپاکستان کے حارث طاہر نے بھی کیو اسکول ٹورنامنٹ میں پہلا میچ جیت لیا، انہوں نے چین کے ڈونگ زیاو کو 4- 1 سے شکست دی۔

یاد رہے کہ ہر سال 4کیو اسکول ٹورنامنٹ سے 12 کھلاڑی پروفیشنل اسنوکر میں جگہ بناتے ہیں۔