ٹریل   فائیو پر لاپتہ پندرہ سالہ محمد طحہ کی لاش کھائی سے بر آمد

ٹریل 5 پر لاپتہ پندرہ سالہ محمد طحہ کی لاش کھائی سے بر آمد ہو  گئی: ذرائع

ذرائع کے مطابق  گزشتہ ہفتے  مارگلہ کی بلند پہاڑیوں  کی ٹریل 5 پر گم ہونے والے لڑکے کی لاش مل گئی۔ پولیس ،رینجرز اور دیگر محکموں کی مشترکہ کاوش سے 12  گھنٹے کی کوشش کے بعد پندرہ سالہ محمد طہٰ  کی  لاش نکالی گئی۔ 
تفصیلات  کے مطابق  گزشتہ ہفتے  محمد طحہ اپنے دوستوں کے ہمراہ گھومنے پھرنے کی غرض سے مارگلہ پہاڑیوں پر  آیا تھا ، شام کو  ساتھ گئے ایک دوست نے طحہ کی والدہ کو پریشانی میں  کال کر کے طحہ کے گھر واپسی آنے کے بارے میں دریافت کیا مگر اس کی والد ہ نے لاعلمی کا اظہار کیا ۔ تشویش کے باعث  کی گمشدگی کی رپورٹ سکریٹریٹ پولیس سٹیشن میں  درج کروا دی گئی ، جس کے بعد لڑکے کی تلاش شروع ہو گئی۔  

پولیس کا کہنا ہے کہ نعش کو پوسٹ مارٹم کیلئے پمز اسپتال منتقل کیا جائے گا اور بعد ازاں لواحقین کے حوالے کر دیا جائے گا ۔ 

واضح رہے کہ پولیس  ذرائع کے مطابق ابتدائی طور پر حادثہ پاؤں کے پھسلنے کے باعث پیش آنے کا امکان ظاہر کیا جا رہا  ہے۔