سعودی عرب میں24 حجاج کرام گرفتار

سعودی عرب میں حج ویزا دستاویزات فراہم نہ کرنے والے 24 حجاج کرام کو گرفتار کر لیا گیا ہے۔

حج کے دوران جب دنیا بھر سے مسلمان اس اہم فریضے کی انجام دہی کے لیے مکہ مکرمہ جاتے ہیں تو اس اہم فریضے کی ادائیگی کے دوران قواعد کی خلاف ورزی سے اجتباب کرنا بہت ضروری ہے۔ ایسا ہی کچھ سعودی عرب نے حج 2024 سے قبل بھی کیا ہے جس نے دنیا بھر کے مسلمانوں کی توجہ اپنی جانب کھینچ لی ہے۔

غیر ملکی میڈیا کے مطابق حجاج کرام کو مدینہ شہر سے 9 کلومیٹر کے فاصلے پر مسجد ذوالحلیفہ میں میقات کے مقام پر سعودی انتظامیہ کی جانب سے گرفتار کیا گیا ہے۔سعودی حکام کے مطابق حجاج کرام حج ویزا دستاویزات حکام کو دکھانے میں ناکام رہے، جس کے باعث انہیں گرفتار کیا گیا ہے، جبکہ ویزا پالیسی کی خلاف ورزی پر کاروائی کا عندیہ بھی دیا جا رہا ہے۔

دوسری جانب انڈوشنیئن میڈیا کی جانب سے تصدیق کی گئی ہے، کہ تحویل میں لیے گئے تمام حجاج کرام کا تعلق انڈویشیا سے ہے۔انڈونیشیا کے ادارے پروسپیکٹو انڈونیشئین حجاج کرام بیر علی سیکٹر کے سربراہ عزیز ہیگیمور کی جانب سے تصدیق کی گئی یہے، کہ 22 انڈونیشئین حجاج کرام کو تحویل میں لیا گیا ہے۔واضح رہے ذوالحلیفہ مسجد کو انڈونیشئین حجاج کرام کی بڑی تعداد میں موجودگی کے باعث بھی توجہ ملتی ہے۔