مارگلہ کی پہاڑیوں میں لگی آگ کی شدت میں اضافہ

اسلام آباد: فیصل مسجد کے عقب میں مارگلہ کی پہاڑیوں پر لگی آگ کی شدت میں اضافہ ہو گیا۔

تفصیلات کے مطابق  تیز ہوائوں کے باعث آگ پھیل گئی۔کلینجر گائوں میں لگی آگ بے قابوہو کرماگلہ کی پہاڑیوں تک آ پہنچی،اسکے علاوہ ملکہ کوہسارمری کے جنگلات میں مختلف مقامات بھی آگ کی لپیٹ میں آگئے۔

رات گئےانگوری کے جنگلات میں بھی اچانک آگ بھڑک اٹھی ،جس پر 80فیصد قابوپا لیا گیا ہے۔

مارگلہ کی پہاڑیوں میں لگی آگ کو بجھانے کے لیے پاک بحریہ کی امدادی کارروائیاں جاری ہیں۔پاک بحریہ کے فائر فائٹرز، 4 فائر ٹینڈرز اور 2 واٹر باؤزرز آگ بجھانے میں مصروف ہیں۔

شدید گرمی کے سبب مارگلہ کی پہاڑیوں پر پے درپے آگ لگنے کے واقعات رونما ہو رہے ہیں۔

یاد رہے کہ گزشتہ روز بھی ای الیون کے بالکل سامنے مارگلہ کی پہاڑیوں پر 15 مقامات پر آگ لگی تھی۔ وزیرداخلہ محسن نقوی کی جانب سے 15 مقامات پر آگ لگنے کا نوٹس لیا گیا تھا۔