50 الیکٹرک بسیں چلانے کے معاہدے کی منظوری

صوبائی وزیر شرجیل میمن نے کابینہ اجلاس کے بعد میڈیا سے گفتگو کرتے ہوئے کہا کہ سندھ کابینہ نے کراچی میں 50 الیکٹرک بسیں چلانے کے معاہدے کی منظوری دیدی ہے۔

شرجیل میمن نے کہا کہ سندھ کابینہ نے ان بسوں کے 6 ماہ کے کرائے 41 کروڑ 25 لاکھ روپے کی بھی منظوری دی، کابینہ اگلے 7 سالوں کیلئے 82 کروڑ 50 لاکھ روپے ہر سال دیتی رہے گی۔

 انہوں نے کہا کہ سندھ حکومت ان بسوں کا کرایہ دیتی رہے گی، 8 سال کے بعد یہ بسیں سندھ حکومت کی ملکیت ہو جائیں گی۔

صوبائی وزیرشرجیل میمن  نے کہا کہ اس وقت 50 بسیں 3 روٹس پر چل رہی ہیں، سندھ کے عوام کی بہتری کیلئے اقدامات کر رہے ہیں، سندھ کابینہ اجلاس میں اہم فیصلے کیے گئے ہیں۔