صحت
وزیر صحت نے خسرہ وباء کے پھیلائو کا ذمہ دار پی ٹی آئی حکومت کو قرار دے دیا
اگر پی ٹی آئی کی حکومت نے توجہ دی ہوتی تو مسلم لیگ (ن) کو یہ سب کچھ نہیں بھگتنا پڑتا، خواجہ عمران نذیر
![وزیر صحت نے خسرہ وباء کے پھیلائو کا ذمہ دار پی ٹی آئی حکومت کو قرار دے دیا](/media/107364/conversions/ImranNazir-1280x720.jpg)
صوبائی وزیر صحت نے کہا کہ خسرہ وباء کے پھیلائو کی ذمہ دار پی ٹی آئی کی حکومت ہے ، انہوں نے بچوں کی ویکسی نیشن پر توجہ نہیں دی۔
وزیر صحت پنجاب خواجہ عمران نذیر نے کہا کہ پنجاب حکومت صحت کی شعبے میں بہتری کے لیے اقدامات کررہی ہے اور صحت وتعلیم کے شعبے پر وزیراعلیٰ مریم نواز خصوصی توجہ دے رہی ہے، تاہم گزشتہ دور حکومت کے نقصانات آج ہم بھگت رہے ہیں۔
لاہور میں صوبائی وزرا خواجہ عمران نذیر اور خواجہ سلمان رفیق نے پنجاب میں خسرہ پھیلاؤ سے متعلق پریس کانفرنس کی۔
میڈیا سے گفتگو کرتے ہوئے انہوں نے کہا کہ اگر پی ٹی آئی کی حکومت نے توجہ دی ہوتی تو مسلم لیگ (ن) کو یہ سب کچھ نہیں بھگتنا پڑتا۔گزشتہ دورحکومت میں صحت کے شعبہ کو شدید نقصان پہنچایا گیا، پنجاب میں صحت کے لیے بہترین نظام کی ضرورت ہے۔
یاد رہے کہ چند روز قبل پنجاب میں پتوکی، شیخوپورہ اور کبیر والا میں خسرہ کے کیسز سامنے آئے تھے، جس کی وجہ سے 7 بچوں کی اموات ہوئی تھی ۔
پاکستان
سپریم کورٹ : نیب ترامیم کیس کا فیصلہ 6 ستمبر کو سنایا جائے گا
عدالت نے وفاقی حکومت کی اپیل پر 6 جون کو فیصلہ محفوظ کیا تھا، سپریم کورٹ کے 3 رکنی بینچ نے نیب ترامیم کو کالعدم قرار دیا تھا
![سپریم کورٹ : نیب ترامیم کیس کا فیصلہ 6 ستمبر کو سنایا جائے گا](/media/117340/conversions/l_367738_062147_updates-1280x720.jpg)
اسلام آباد: سپریم کورٹ میں نیب ترامیم کیس کا فیصلہ 6 ستمبر کو سنایا جائے گا۔
تفصیلات کے مطابق سپریم کورٹ میں نیب ترامیم کیس کا فیصلہ 6 ستمبر کو سنایا جائے گا جب کہ بانی پی ٹی آئی سمیت تمام فریقین کو آگاہ کردیا گیا ہے۔
عدالت نے وفاقی حکومت کی اپیل پر 6 جون کو فیصلہ محفوظ کیا تھا، سپریم کورٹ کے 3 رکنی بینچ نے نیب ترامیم کو کالعدم قرار دیا تھا۔
واضح رہے کہ حکومت نے فیصلے کے خلاف پریکٹس اینڈ پروسیجر قانون کے تحت اپیل دائرکی تھی۔
تجارت
عالمی منڈی میں پیٹرول کی قیمتوں میں مزید کمی
پاکستان میں بھی عالمی منڈی میں قیمتوں میں کمی کا ریلیف ملے گا، 16 ستمبر سے ملک میں پٹرولیم مصنوعات کی قیمتوں میں مزید کمی متوقع ہے
![عالمی منڈی میں پیٹرول کی قیمتوں میں مزید کمی](/media/117347/conversions/news-1709549522-2669-1280x720.jpg)
عالمی منڈی میں پٹرولیم مصنوعات کی قیمتوں میں مزید 5 فیصد کمی ہوگئی ،عالمی منڈی میں امریکی خام تیل کی قیمت 70.59 ڈالر فی بیرل پر آگئی ۔
خبر رساں ادارے کے مطابق گزشتہ 5 روز میں امریکی خام تیل کی قیمت میں 2.96 ڈالر فی بیرل کمی ہوئی ،جس کے بعد عالمی منڈی میں برطانوی برینٹ کی قیمت 73.98 ڈالر فی بیرل پر آگئی ،گزشتہ 5 روز کے دوران برطانوی برینٹ کی قیمت میں 2.94 ڈالر کمی ریکارڈ کی گئی ہے،دنیا بھر میں خام تیل کی قیمتیں 9 ماہ کی کم سطح پر ہیں،
کمی امریکہ، چین میں تیل کی کھپت سے متعلق خدشات پر ہوئی ۔
ذرائع کا کہناہے پاکستان میں بھی عالمی منڈی میں قیمتوں میں کمی کا ریلیف ملے گا، 16 ستمبر سے ملک میں پٹرولیم مصنوعات کی قیمتوں میں مزید کمی متوقع ہے۔
علاقائی
سوات اور لوئر دیر سمیت خیبر پختونخوا کے مختلف اضلاع میں زلزلے کے جھٹکے
زلزلہ پیما مرکز کے مطابق ریکٹر سکیل پر زلزلے کی شدت 5.0 ریکارڈ کی گئی ہے
![سوات اور لوئر دیر سمیت خیبر پختونخوا کے مختلف اضلاع میں زلزلے کے جھٹکے](/media/117314/conversions/766126_94557392-1280x720.jpg)
سوات اور لوئر دیر سمیت کے پی کے کے مختلف اضلاع میں زلزلے کے جھٹکے محسوس کیئے گئے ہیں
زلزلہ پیما مرکز کے مطابق ریکٹر سکیل پر زلزلے کی شدت 5.0 ریکارڈ کی گئی ہے جبکہ زلزلہ زیر زمین 104کلو میٹرمیں آیا۔
زلزلہ پیما مرکز کا کہنا ہےکہ زلزلےکا مرکز ہندوکش کا پہاڑی سلسلہ تھا۔
میڈیا رپورٹ کے مطابق زلزلے کے نتیجے میں تاحال کسی جانی یا مالی نقصانات کی اطلاعات موصول نہیں ہوئی۔
-
دنیا 2 دن پہلے
چین میں اسکول بس کی زر میں آ کر 11 طلباء جاں بحق
-
پاکستان 2 دن پہلے
حکومت نے سرکاری ملازمین کو سوشل میڈیا پلیٹ فارم پر بات کرنے سے روک دیا
-
دنیا 2 دن پہلے
امریکہ : وینزویلا کے صدر کا طیارہ ضبط
-
تجارت 38 منٹ پہلے
عالمی منڈی میں پیٹرول کی قیمتوں میں مزید کمی
-
دنیا ایک دن پہلے
امریکی کانگریس کے رکن ٹام سوازی پاکستان کاکس کے نئے چیئرمین منتخب
-
تجارت ایک دن پہلے
عالمی منڈی میں تیل کی قیمتیں 9 ماہ کی کم ترین سطح پر آ گئی
-
تجارت ایک دن پہلے
ملک میں سونے کی قیمت میں حیرت انگیز کمی
-
دنیا 2 دن پہلے
شکاگو :ریلوے اسٹیشن پر نامعلوم حملہ آور کی فائرنگ، 4 مسافرہلاک