بھارت : اتر پردیش میں گرمی کے باعث انتخابی عملے کے 33 افراد ہلاک

بھارت میں انتخابات کے آخری دن لو لگنے سے 33  اہلکارہلاک ہوگئے ہیں۔

شمالی صوبے اتر پردیش کے چیف الیکٹورل آفیسر نودیپ رنوا نے کہا ہے کہ ہلاک ہونے والوں میں سیکورٹی گارڈز اور صفائی کا عملہ شامل ہے ۔ 

تفصیلات کے مطابق شمالی ریاست اتر پردیش کے چیف الیکٹورل آفیسر نودیپ رِنوا نے بتایا ہے کہ پولنگ کے آخری دن وہاں 33 پولنگ اہلکار گرمی کی وجہ سے ہلاک ہو گئے ہیں۔ بھارت کے محکمہ موسمیات (آئی ایم ڈی) نے بتایا ہے کہ گزشتہ روز اتر پردیش کے شہر جھانسی میں درجہ حرارت 46.9 ڈگری سیلسیس (116 فارن ہائیٹ) تک پہنچ گیا تھا۔

چیف الیکٹورل آفیسر نودیپ رِنوا نے میڈیا سے بات کرتے ہوئے بتایا کہ مرنے والوں کے اہل خانہ کو 1.5 ملین روپے کا مالی معاوضہ فراہم کیا جائے گا۔