پاکستانی ڈاکٹروں کا تاریخی کارنامہ، 7 ماہ کے بچے کی آنکھ سے ٹیومر نکال دیا

پاکستانی ڈاکٹروں نے تاریخی کامیابی حاصل کر لی۔ راولپنڈی میں الشفا آئی ٹرسٹ ہسپتال کے ڈاکٹرز نے سات ماہ کے بچے کی آنکھ سے سرطان کا ٹیومر نکال دیا۔
بچے کی آنکھ سے ٹیومر مکمل طور پر نکال دیا گیا ہے۔ سات ماہ بعد مصنوعی آنکھ لگائی جائے گی۔

بچے کی بائیں آنکھ میں ٹیومر تھا، پیدائش کے وقت سرطان زدہ حصے کی لمبائی 40 سینٹی میٹر اور چوڑائی 25 سینٹی میٹر تھی۔ اس ٹیومر کا وزن 400 گرام تھا۔ آنکھ سے خون بھی بہتا رہا تھا۔

ماہرین اس امر پر تحقیق کر رہے ہیں کہ پیدائش کے وقت بچے کی آنکھ میں سرطان کے خلیے اِتنی تیزی سے کیوں پروان چڑھے۔

اگر بروقت آپریشن نہ کیا جاتا تو سرطان دوسری آنکھ تک پھیل سکتا تھا۔ یہ ایک مشکل ترین آپریشن تھا۔ بچے کے والدین کو مشاورت کے ذریعے اس آپریشن کے لیے راضی کیا گیا۔

بچے کے آپریشن میں اسسٹنٹ پروفیسر ڈاکٹر مرتضیٰ ، ڈاکٹر ہُدی، ڈاکٹر زارہ اور ڈاکٹر علی رضا شامل تھے۔ اسسٹنٹ پروفیسرڈاکٹر مرتضیٰ نے ٹیم کے سربراہ تھے۔