ملک کے مختلف شہروں میں گرمی کا راج برقرار

ملک کے بیشتر علاقوں میں آج بھی موسم گرم اور خشک رہے گاجبکہ بارش کا کوئی امکان نہیں۔

گزشتہ روز ملک میں سب سے زیادہ درجہ حرارت بھکر میں 47ڈگری سینٹی ریکارڈ کیا گیا۔ اس کے علاوہ جیکب آباد، سبی46، موہن جو دڑو،گوجرانوالہ، خیرپور،سکھر 45،ملتان،ڈیرا غازی خان،ڈیرا اسماعیل خان43 ڈگری سینٹی ریکارڈ کیا گیا۔

پنجاب میں بھی آج ہیٹ ویو کی لہر برقرار رہے گی۔

ترجمان پی ڈی ایم اے کے مطابق رواں ہفتے درجہ حرارت 40 سے 45 ڈگری تک رہنے کے امکانات ہیں ۔جنوبی پنجاب کے اضلاع بہاولپور ،رحیم یار خان ،ڈیرہ غازی خان اور ملتان میں ہیٹ ویو کی لہر شدید ہو سکتی ہے ۔

گزشتہ روز لاہور،فیصل آباد، پشاور 42، اسلام آباد41، مظفر آباد 40 ، کراچی، ٹھٹہ36 ، کوئٹہ35 اور گلگت میں 33 ڈگری سینٹی ریکارڈ کیا گیا۔اٹک، رحیم یارخان،بہاولپور،نارووال،قصور،جہلماور ٹوبہ ٹیک سنگھ میں 43 ڈگری درجہ حرارت ریکارڈ کیا گیا ۔

گزشتہ سال زیادہ سے زیادہ درجہ حرارت 46 ڈگری ریکارڈ کیا گیا تھا۔

ڈی جی پی ڈی ایم اے کا کہنا ہے کہ وزیراعلیٰ پنجاب کی ہدایات کے پیش نظر متعلقہ ادارے الرٹ رہیں۔ چولستان کے اضلاع میں صاف پانی کی فراہمی کو یقینی بنایا جا رہا ہے ۔ تمام ہسپتالوں میں ہیٹ ویو کاؤنٹرز قائم ہیں ۔

ڈی جی پی ڈی ایم اے کی ہیٹ سٹروک سے بچاؤ کیلئے متعلقہ ادویات کی فراہمی یقینی بنانے کی ہدایت کر دی۔  مویشی منڈیوں میں جانوروں کیلئے پانی اور دیگر بنیادی ضروریات کی فراہمی یقینی بنائی جائے۔  

میڈیا کے ذریعے شہریوں کو ہیٹ ویو کے خطرات سے آگاہ کیا جا رہا ہے۔ شہریوں سے التماس ہے کہ احتیاطی تدابیر اختیار کریں ۔ بچوں بزرگوں اور بیمار افراد کا خاص خیال رکھیں ۔ گرمی کی لہر کے اثرات معمر افراد بچوں اور بیماروں پر زیادہ ہو سکتے ہیں۔