ٹی 20 ورلڈ کپ: جنوبی افریقہ نے نیپال کو سنسی خیر مقابلے میں شکست دے دی

آئی سی سی مینز ٹی 20 ورلڈ کپ 2024 کے میچ میں جنوبی افریقہ نے سنسنی خیز مقابلے کے بعد نیپال کو شکست دے دی۔

افریقہ نے نیپال کو 116 رنز کا ہدف دے دیا۔

آئی سی سی کے زیر اہتمام امریکہ اور ویسٹ انڈیز کی میزبانی میں ہونے والے ٹی 20 ورلڈ کپ کے 31ویں میچ میں نیپال نے جنوبی افریقہ کے خلاف ٹاس جیت کر فیلڈنگ کرنے کا فیصلہ کیا۔ جنوبی افریقہ نے پہلے بیٹنگ کرتے ہوئے نیپال کو مقررہ اوورز میں جیت کے لیے 116 رنز کا ہدف دیا۔

جنوبی افریقہ نے سنسنی خیز مقابلے کے بعد نیپال کو شکست دے دی۔ نیپال کے آصف شیخ نے بہترین بلے بازی کی۔ وہ ایک چھکے اور 4 چوکوں کی مدد سے 49 گیندوں پر 42 رنز بنا کر نمایاں رہے۔ انیل کمار ساہ نے 27 اور کشال بھروٹل نے 13 رنز بنائے۔ ان کے علاوہ کوئی بھی کھلاڑی ڈبل فگر میں رنز نہ بنا سکا۔

جنوبی افریقہ نے مقررہ اوورز میں 7 کھلاڑیوں کے نقصان پر 115 رنز بنائے۔ اوپنر ریزا ہینڈرکس سب سے زیادہ رنز کے ساتھ نمایاں رہے۔ انہوں نے 5 چوکوں اور ایک چھکے کی مدد سے 49 گیندوں پر 43 رنز بنائے۔

ٹرسٹن اسٹبس نے 18 گیندوں پر27 رنز کے ساتھ ناٹ آؤٹ رہے۔ ریزا ہینڈرکس اور ٹرسٹن اسٹبس کے علاوہ کوئی بھی کھلاڑی نمایاں کھیل پیش نہ کر سکا۔

نیپال کے کشل بھروٹل نے بہترین باؤلنگ کرائی۔ انہوں نے 19 رنز دے کر 4 کھلاڑیوں کو آؤٹ کیا جبکہ دپندرا سنگھ ایری نے 21 رنز دے کر 3 کھلاڑیوں کو پویلین بھیجا۔