ضلع کرم میں بارودی مواد کا دھماکہ ، 2افراد جاں بحق

خیبر پختونخوا کے ضلع کرم میں سڑک کنارے بارودی مواد کے دھماکے میں 2 افراد جاں بحق ہوگئے۔

ذرائع کے مطابق ضلع کرم کے علاقے سینٹرل کرم میں دھماکے کے نتیجے میں 2 افراد جاں بحق جبکہ 5 زخمی ہوئے ہیں۔

پولیس ذرائع کے مطابق نعشوں اور زخمیوں کو ہسپتال منتقل کر دیا گیا ہے۔دھماکے سے ایک کار بھی مکمل تباہ ہوگئی۔

ہسپتال ذرائع کا کہنا ہے کہ دھماکے میں زخمی ہونے والے 5 میں سے 4 کی حالت تشویش ناک ہے۔