ٹی 20 ورلڈ کپ: ویسٹ انڈیز کو انگلینڈ کے ہاتھوں شکست

آئی سی سی ٹی 20 ورلڈ کپ 2024ء کے سپر ایٹ مرحلے کے دوسرے میچ میں انگلینڈ نے ویسٹ انڈیز کو 8 وکٹوں سے شکست دیدی۔

ٹی 20 ورلڈکپ کے سپر 8 مرحلے کے دوسرے میچ میں انگلینڈ نے ویسٹ انڈیز کا 181 رنز کا ہدف 2 وکٹوں کے نقصان پر 18 ویں اوور میں پورا کر لیا۔

تفصیلات کے مطابق انگلینڈ نے ٹاس جیت کر پہلے فیلڈنگ کا فیصلہ کیا جس کے جواب میں ویسٹ انڈیز کی ٹیم نے 4 وکٹوں کے نقصان پر 180 رنز بنائے۔

انگلینڈ کی ٹیم نے ہدف کے تعاقب میں 2 وکٹوں کے نقصان پر 17.3 اوور میں ہی کامیابی حاصل کرلی، کپتان جوز بٹلر 25 جبکہ معین علی 13 رنز کے ساتھ آؤٹ ہوئے۔

انگلش ٹیم کے اوپننگ بیٹر فل سالٹ نے 47 گیندوں میں 5 چھکوں اور 7 چوکوں کی مدد سے 87 رنز کے ساتھ نمایاں بیٹر رہے جبکہ جونی بریسٹو 48 رنز کے ساتھ ناٹ آؤٹ رہے۔

ویسٹ انڈیز کی جانب سے اندرے رسل اور راسٹن چیز نے ایک ایک وکٹ اپنے نام کی۔