بھارت: زہریلی شراب پینے سے 25 افراد ہلاک، درجنوں ہسپتال منتقل

بھارت کی ریاست تامل ناڈو میں زہریلی شراب پینے سے 25 افراد ہلاک ہوگئے۔

بھارتی میڈیا کے مطابق زہریلی شراب پینے والے 60 سے زیادہ افراد کو تشویشناک حالت میں ہسپتال داخل کرا دیا گیا جس کے باعث ہلاکتوں میں اضافے کا خدشہ ظاہر کیا جا رہا ہے۔

تامل ناڈو کے وزیر اعلیٰ نے اموات پر دکھ کا اظہار کرتے ہوئے کہا ہے کہ ایسے واقعات کی روک تھام نہ کرنے والے اہلکاروں کے خلاف کارروائی کی گئی ہے جبکہ اس واقعے میں ملوث افراد کو گرفتار کر لیا گیا ہے۔

خیال رہے کہ بھارت کے مختلف علاقوں میں ماضی میں بھی ایسے واقعات سامنے آ چکے ہیں۔