علاقائی
کرایوں کی زائد وصولی پر گرینڈ آپریشن، مسافروں کو رقم واپس کر دی گئی
وزیراعلیٰ مریم نواز نے زائد کرایوں سے لٹنے والے مسافروں کی رقم واپسی کر ا کر نیا ریکارڈ قائم کر دیا
![کرایوں کی زائد وصولی پر گرینڈ آپریشن، مسافروں کو رقم واپس کر دی گئی](/media/109244/conversions/Transport-1280x720.jpg)
وزیراعلیٰ پنجاب مریم نواز کی ہدایت پر پنجاب بھر میں ٹرانسپورٹ کرایوں میں کمی کے لیے گرینڈ آپریشن شروع کردیا گیا۔ وزیراعلیٰ مریم نواز نے زائد کرایوں سے لٹنے والے مسافروں کی رقم واپسی کر ا کر نیا ریکارڈ قائم کر دیا۔
زائد کرایہ وصول کرنے والے ٹرانسپورٹرز کو 27 لاکھ 84 ہزار 500 روپے کے جرمانے عائد کئے گئے۔ٹریفک قوانین اور زائد کرایوں کی وصولی پر 1448 کے چالان اور 354 گاڑیاں بند کر دی گئیں۔
مجموعی طور پر 14 لاکھ 67 ہزار 921 روپے کی رقم سواریوں کو واپس کی گئی، کرائے کی مد میں ناجائز طور پر وصول کردہ رقم واپس ملنے پر مسافروں میں خوشی کی لہر دوڑ گئی۔
مسافروں نے حیرانی اور پریشانی میں سوال کیا کہ پیسے کیوں واپس کر رہے ہیں؟ جس پر ڈپٹی کمشنرز اور پولیس عملے نے بتایا کہ وزیر اعلیٰ پنجاب مریم نواز شریف کے حکم پر اتنا ہی کرایہ دینا ہے جتنا حکومت نے مقرر کیا ہے۔
رقم واپس ملنے پر کئی بزرگ خواتین نے وزیر اعلیٰ مریم نواز شریف کو دعائیں دیں۔
اٹک، راولپنڈی، مری، چکوال، جہلم، گوجرانولہ، سیالکوٹ، نارووال، گجرات، حافظ آباد، منڈی بہاوالدین، سرگودھا، خوشاب، میانوالی، بھکر، چنیوٹ، فیصل آباد میں ڈپٹی کمشنرز کی قیادت میں جانچ پڑتال کی گئی۔
ٹوبہ ٹیک سنگھ، جھنگ، لاہور، ننکانہ صاحب، شیخوپورہ، قصور، ڈی جی خان، لیہ، بہاولپور، مظفرگڑھ، راجن پور میں بھی مختلف ٹرانسپورٹ اڈوں اور روٹس پر چیکنگ کی گئی۔
یاد رہے کہ وزیراعلیٰ مریم نواز نے ہدایت کی تھی کہ عید کے بعد واپس آنے والوں سے زائد کرایے کی وصولی روکی جائے اور ڈپٹی کمشنرز ٹرانسوپرٹ کرایوں میں کمی کو یقینی بنائیں۔
وزیراعلیٰ پنجاب مریم نواز نے کہا تھا کہ کسی روٹ پر گاڑیوں میں اوورلوڈنگ نہ کرنے دی جائے اور ٹریفک قوانین پر مکمل عملدرآمد کروایا جائے۔
تفریح
معروف پاکستانی اداکارہ ماہرہ خان کی اٹلی میں دلکش تصا ویر وائرل
اٹلی کے لاما مونا چائل نامی ساحلی مقام پر لی گئی تصاویر میں اداکارہ پر فضا مقام سے لطف اندوز ہوتی دکھائی دے رہی ہیں
![معروف پاکستانی اداکارہ ماہرہ خان کی اٹلی میں دلکش تصا ویر وائرل](/media/110276/conversions/d1550626-9184-4a22-a81c-42b3ce1cb622-1280x720.jpg)
View this post on Instagram
تجارت
پاکستان میں معاشی استحکام آیا ہے ، وزیر خزانہ
محمد اورنگزیب نے کہا کہ پرچون فروشوں کو ٹیکس کے دائرے میں لایا جائے گا اور اس مقصد کیلئے اب تک بیالیس ہزار پرچون فروشوں کا اندراج کیا گیا ہے
![پاکستان میں معاشی استحکام آیا ہے ، وزیر خزانہ](/media/110273/conversions/85183_64983837-1280x720.jpg)
وفاقی وزیر خزانہ محمد اورنگزیب نے کہا ہے کہ پاکستان میں معاشی استحکام سے بین الاقوامی اداروں کا اعتماد بحال ہوا ہے۔
انہوں نے آج اسلام آباد میں ایک پریس کانفرنس سے خطاب کرتے ہوئے کہا کہ حکومت کی دانشمندانہ معاشی پالیسیوں کی بدولت ملکی معیشت میں نمایاں بہتری آئی ہے۔
انہوں نے کہا کہ دانشمندانہ معاشی پالیسیوں کے ذریعے اقتصادی استحکام بھی حاصل ہوگا ، انہوں نے بدعنوانی کے خاتمے اورشفافیت کو یقینی بنانے کیلئے ایف بی آر کو ڈیجیٹلائز کرنے کے حکومتی عزم کا بھی اعادہ کیا۔
انہوں نے ایف بی آر کے نظام کو مالی بدعنوانی سے پاک کرنے کے لئے انسانی مداخلت کی روک تھام کی ضرورت پر زور دیا۔
محمد اورنگزیب نے کہا کہ پرچون فروشوں کو ٹیکس کے دائرے میں لایا جائے گا اور اس مقصد کیلئے اب تک بیالیس ہزار پرچون فروشوں کا اندراج کیا گیا ہے۔
انہوں نے معیشت کے مختلف شعبوں میں اصلاحات کے ذریعے آئندہ تین سال کے دوران ٹیکس کی شرح مجموعی قومی پیداوار کے تیرہ فیصد تک لے جانے کے عزم کا اظہار کیا۔
پاکستان
پی ٹی آئی کی موجودہ قیادت کے ہوتے ہوئے عمران خان ی رہائی کا امکان نہیں، فواد چوہدری
ان کے پاس کوئی حکمت عملی ہی موجود نہیں ہے، سابق وفاقی وزیر
![پی ٹی آئی کی موجودہ قیادت کے ہوتے ہوئے عمران خان ی رہائی کا امکان نہیں، فواد چوہدری](/media/110259/conversions/370272_7397570_updates-1280x720.jpg)
سابق وفاقی وزیر فواد چوہدری کا کہنا ہے کہ پاکستان تحریک انصاف ( پی ٹی آئی) کی موجودہ قیادت کے ہوتے ہوئے بانی پی ٹی آئی کی رہائی کا امکان نہیں۔
فواد چوہدری نے اپنے ویڈیوبیان میں کہا کہ قیادت کی سیاسی حکمت عملی نہ ہونے کی وجہ سے ہم کچلے جارہے ہیں۔ موجودہ قیادت جھوٹ اور احمقانہ باتیں کر رہی ہے، ان کے پاس کوئی حکمت عملی ہی موجود نہیں ہے۔
فواد چوہدری نے اپنے بیان میں کہا کہ لوگ کہتے ہیں کہ برا وقت ختم ہوگیا ہے تو ہم نے بولنا شروع کردیا۔ عدالتوں کے ذریعے کبھی سیاسی لوگ رہا ہوئے ہیں، مجھ پر 47 مقدمات ہیں، ٹویٹ کرنے پر بھی مقدمہ درج ہو جاتا ہے۔
فواد چوہدری نے کہا کہ مشکل وقت بانی پی ٹی آئی اور ہمارے لیے تو ختم نہیں ہوا، یاسمین راشد، اعجاز چوہدری جیلوں میں ہیں ان پر اب بھی مشکل وقت ہے۔
فواد چوہدری نے کہا کہ بعض لوگ پشاور سے چلتے ہیں اور لاہور میں جلسہ کر کے چلے جاتے ہیں۔
-
کھیل 6 گھنٹے پہلے
بھارتی کرکٹر ویندرا جڈیجا کا ٹی ٹو ےنٹی ورلڈ کپ سے ریٹا ئرمنٹ کا اعلان
-
دنیا 2 دن پہلے
مالدیپ کے صدر پر کالا جادو کرنے کے الزام میں ایک خاتون سمیت دو وزراء گرفتار
-
تجارت 3 گھنٹے پہلے
آل پاکستان انجمن تاجران کا بجلی کے بلوں میں اضافے کے خلاف احتجاج کا اعلان
-
پاکستان 2 دن پہلے
قومی اسمبلی میں امریکی ایوان نمائندگان کی قرار داد کے خلاف قرار داد منظور
-
تجارت 12 گھنٹے پہلے
موٹروے پر سفر کرنےوالی گاڑیوں کے ٹول ٹیکس میں اضافہ
-
پاکستان 2 دن پہلے
اپنی مرضی سے استعفیٰ دیا ، واپس نہیں لوں گا ، عمر ایوب
-
کھیل ایک دن پہلے
ویرات کوہلی کا ٹی ٹوئنٹی کرکٹ سے ریٹا ئرمنٹ کا اعلان
-
علاقائی 2 دن پہلے
صوفی بزرگ عبداللہ شاہ غازی کے سالانہ عرس پر کل کراچی میں تعطیل کا اعلان