تجارت

مالی سال2021-22 ، ترقیاتی بجٹ میں کتنا اضافہ کیا جائے گا؟ اعدادوشمار جاری

لاہور : مالی سال 2021-22 کیلئے وفاقی بجٹ آج پیش کیا جا رہا ہے، وفاقی وزیر خزانہ شوکت ترین تقریباً 8 ہزار ارب روپے حجم کا بجٹ پیش کریں گے ۔

شائع شدہ 4 سال قبل پر جون 12 2021، 3:53 صبح

ویب ڈیسک کے ذریعے

تفصیلات کے مطابق آئندہ مالی سال کے لیے وفاقی ترقیاتی بجٹ کی تفصیلات جی این این کو موصول ہوگئیں ، دستاویز کے مطابق وفاقی ترقیاتی بجٹ کا مجموعی حجم 900 ارب روپے مقرر کیا گیاہےجس میں وفاقی وزارتوں کو 628 ارب کا ترقیاتی بجٹ ملے گا۔ ایوی ایشن ڈویژن کیلئے 3 ارب 55 کروڑ کا ترقیاتی بجٹ مقرر جبکہ کابینہ ڈویژن کو46ارب15کروڑ کا ترقیاتی بجٹ ملے گا۔ موسمیاتی تبدیلی کا ترقیاتی بجٹ 14ارب 32 کروڑمختص کر دیا، کامرس ڈویژن کو 1 ارب 61 کروڑ کا ترقیاتی بجٹ ملے گا۔ وزارت تعلیم و تربیت کیلئے9 ارب سے زائد کا ترقیاتی بجٹ مقر ر کیا گیا ہے جبکہ وزارت خزانہ ترقیاتی کاموں پر 123 ارب 13 روپے خرچ کرے گی۔ ہائر ایجوکیشن کمیشن کو 42 ارب 45 کروڑ روپے کا ترقیاتی بجٹ ملے گا۔

دستاویز کے مطابق ہاؤسنگ و تعمیرات کیلئے 24 21 کروڑ کا ترقیاتی بجٹ مقرر کیا گیا جبکہ وزارت انسانی حقوق کوترقیاتی بجٹ کی مد میں 27 کروڑ ملیں گے،وزارت صنعت و پیداوار 2 ارب 91 کروڑ کا ترقیاتی بجٹ خرچ کرے گی۔

وزارت اطلاعات کا ترقیاتی بجٹ 1 ارب 89 کروڑ روپے ہوگا، وزارت آئی ٹی 9 ارب 36 کروڑ روپے ترقیاتی کاموں پرخرچ کرے گی۔بین الصوبائی رابطہ کیلئے 3 ارب 73 کروڑ ،وزارت داخلہ کیلئے ترقیاتی بجٹ 21 ارب روپے کی تجویز دی گئی ہے ۔

وزارت قانون و انصاف کے لیے 6 ارب جبکہ امورکشمیر اورگلگت بلتستان کیلئے69ارب کا ترقیاتی بجٹ مقررکیا گیا ہے۔امور جہازرانی و میری ٹائم کیلئے 4 ارب 46 کروڑ ،وزارت انسداد منشیات کیلئے 48 کروڑ، وزارت غذائی تحفظ کے لیے 12 ارب، نیشنل ہیلتھ سروسز کیلئے 21 ارب 72 کروڑ کا ترقیاتی بجٹ تجویز کیا گیا ہے ۔

قومی ورثہ و ثقافت کیلئے 12 کروڑ جبکہ پٹرولیم ڈویژن کو 3 ارب 24 کروڑ روپے کا ترقیاتی بجٹ ملے گا،سماجی تحفظ کے لیے 59 کروڑ کا ترقیاتی بجٹ مختص کیے گئے ہیں ۔ بجٹ میں پیپکو کے لیے 69 ارب روپے رکھے گئے ہیں ۔

دستاویز کے مطابق ریلوے ڈویژن کیلئے 30 ارب روپے کا ترقیاتی بجٹ ہو گا، سائنس و ٹیکنالوجی کیلئے 8 ارب 34 کروڑ کا ترقیاتی بجٹ تجویز کیا گیا ہے ۔آبی وسائل کے لیے 103 ارب روپے جبکہ این ایچ اے کیلئے 113 ارب 75 کروڑ کا ترقیاتی بجٹ مقررکیا گیا ہے ۔ بجٹ میں کورونا وبا کے خاتمے و قدرتی آفات کیلئے 50 ارب روپے مختص کیے گئے ہیں ۔

وزیراعظم عمران خان کی زیر صدارت وفاقی کابینہ کا خصوصی اجلاس شروع ہوچکا ہے ، وفاقی کابینہ بجٹ 2021-22 کی منظوری دے گی۔