بجٹ تحفظات، بلاول بھٹو کی وفد کے ہمراہ وزیراعظم سے ملاقات

پاکستان پیپلز پارٹی کے چئیرمین بلاول بھٹو زرداری وزیراعظم شہباز شریف سے ملاقات کیلئے وزیراعظم ہاؤس پہنچ گئے ہیں، بلاول بھٹو وزیراعظم کو بجٹ پر پیپلز پارٹی کے تحفظات سے آگاہ کریں گے۔

دوران ملاقات وزیراعظم کی معاونت احسن اقبال، اسحاق ڈار، محمد اورنگزیب، رانا ثنا اللہ اور سعد رفیق کریں گے۔

بلاول بھٹو بھی وفد کے ہمراہ ملاقات کریں گے، ان کے وفد میں یوسف رضا گیلانی، خورشید شاہ، نوید قمر اور شیری رحمان شامل ہیں۔

پیپلز پارٹی کا وفد سندھ اور جنوبی پنجاب کے ترقیاتی بجٹ سے متعلق مطالبات وزیر اعظم کے سامنے رکھے گا، بلاول بھٹو زرداری وزیر اعظم کو اپنے تحفظات سے آگاہ کریں گے۔

قومی اداروں کی نجکاری، بجٹ، پنجاب اور وفاق سے متعلق خدشات پر بھی وزیر اعظم کا آگاہ کیا جائے گا۔