اندھی وحشت کا اتحاد پاکستان کیلئے وبال بنتا جارہا ہے، تحریک انصاف

ترجمان تحریک انصاف نے کہا کہ اندھی وحشت کا اتحاد پاکستان کیلئے وبال بنتا جارہا ہے۔

ترجمان تحریک انصاف نے وفاقی وزیر منصوبہ بندی کی پریس کانفرنس پر ردعمل میں کہا کہ ملکی تباہی کے ذمہ دار مینڈیٹ چور جنگل راج کی گود میں بیٹھ کر ملک کو تباہ کر رہے ہیں، ایک سے بڑھ کر ایک بداخلاق کابینہ میں بھرتی کرکے اپنے باطن کا خوف چھپانے کی کوششیں جاری ہیں۔

مینڈیٹ چور وفاقی وزیرِ منصوبہ بندی کی پریس کانفرنس پر پاکستان تحریک انصاف کا ردّعمل

اندھی وحشت اور ننگی بےغیرتی کا اتحاد پاکستان کیلئے وبال بنتا جارہا ہے، ترجمان تحریک انصاف

ملکی تباہی کے ذمہ دار مینڈیٹ چور جنگل راج کی گود میں بیٹھ کر ملک کو تباہ کر رہے جبکہ جنگل راج کسی…

— PTI (@PTIofficial) June 20, 2024

ترجمان نے مزید کہا کہ مہذب جمہوری دنیا میں مینڈیٹ سے محروم کرداروں کو ایوانوں کے پاس تک پھٹکنے کی اجازت نہیں دی جاتی اور ہمارے یہاں مجرموں اور بدمعاشوں کو پاکستان کے مستقبل سے سنگین کھلواڑ کرنے کی اجازت دے کر جنگل راج ان کے جرائم چھپانے کیلئے میڈیا پر پابندیاں لگواتا اور اربوں روپے کے جھوٹے اشتہارات چلواتا ہے

پی ٹی آئی ترجمان نے کہا کہمینڈیٹ چوروں کی صورت میں چین کے حالیہ سیر سپاٹوں کا نتیجہ پاکستان کیلئے ایک بڑے صدمے کی صورت میں برآمد ہوا ہے۔ چین کی جانب سے پاکستان سے تعلقات کی درجہ بندی پر نظرثانی کی تشویشناک خبریں جنگل راج کی ناکامی کا منہ بولتا ثبوت ہیں،فارم 47 جیسی ذلّت گلے میں لٹکا کر اقتدار کا حصہ بننے والے قوم کو پاک-چین تعلقات کے حوالے سے سرد مہری کے تاثرات کے اسباب سے آگاہ کرے۔

ترجمان کا مزید کہنا تھا کہ ملک و قوم کے خلاف کئے جانے والے ایک ایک جرم کا محاسبہ کیا جائے گا۔ تباہی و بربادی کا خفیہ و اعلانیہ دھندا کرنے والوں کو عوام کٹہرے میں کھڑا کریں گے۔