سندھ میں ایڈز کے ہر ماہ اوسطاً 260 نئے کیسز کا انکشاف

سندھ میں رواں سال ہر ماہ ایڈز کے اوسطاً 260 نئے کیس سامنے آنے کا انکشاف ہوا ہے۔ جنوری سے مئی تک ایچ ائی وی کے 1300 سے زیادہ کیس رپورٹ ہوئے ہیں۔

حکام نے بتایا ہے کہ ایچ آئی وی (ایڈز) کے نئے کیسوں میں بچوں کا تناسب 10 سے 15 فیصد ہے۔

زیادہ کیس لاڑکانہ، ملحق اضلاع، حیدرآباد، میرپور خاص اور کراچی سےرپورٹ ہو رہے ہیں۔

جنوری میں 257، فروری 256، مارچ میں 258، اپریل میں 239 اور مئی میں 293 نئے کیس سامنے آئے۔

ذرائع کے مطابق رواں سال میرپور خاص میں 27 بچے ایچ آئی وی میں مبتلا پائے گئے ہیں۔