ویتنام میں رواں سال کے پہلے 6 ماہ کے دوران80 ہزار 500 نئی کمپنیاں قائم کی گئیں جو گزشتہ سال کی اسی مدت کے دوران قائم کی گئی کمپنیوں سے 6.1 فیصد زیادہ ہیں۔ شنہوا نے ویتنام کے جنرل شماریات کے دفتر کے تازہ ترین اعدادوشمار کے حوالے سے بتایا کہ رواں سال کے پہلے 6 ماہ کے دوران ملک میں رجسٹرڈ ہونے والے نئے کاروباری اداروں کے سرمائے کا تخمینہ 744.2 ٹریلین ویتنامی ڈونگ (29.2 بلین امریکی ڈالر) لگایا گیا ہے۔

اس عرصے میں قائم ہونے والی نئی کمپنیوں میں سے زیادہ تر کا تعلق بجلی، پانی، گیس کی پیداوار اور فراہمی کے شعبہ سے ہے اور ان میں 15.7 فیصد اضافہ ریکارڈ کیا گیا ہے۔ آٹوموبائل اور موٹر سائیکل کی مرمت کے شعبے میں قائم ہونے والی کمپنیوں میں 13.8فیصد اور مینوفیکچرنگ اور پروسیسنگ انڈسٹری کے شعبہ میں قائم ہونے والی نئی کمپنیان گزشتہ سال کی اسی مدت کےمقابلہ میں 8.2 فیصد زیادہ ہیں۔

رپورٹ میں کہا گیا ہے کہ نئی قائم ہونے والی زیادہ تر کمپنیاں چھوٹے سائز کے ادارے ہیں جن میں سے 92.3 فیصد کا تعلق خدمات کے شعبہ سے ہے۔مزید برآں ویتنام میں ایسی کمپنیاں جو بند ہو چکی تھیں میں سے 39 ہزار کمپنیوں نے رواں سال جنوری اور جون کے درمیان اپنی سرگرمیاں دوبارہ شروع کی ہیں۔

ریاض: سعودی عرب نے پاکستانی شہریوں کے لیے سیاحتی ویزا میں  آسانیاں پیدا کر دی ہیں، جس سے درخواست دہندگان کو ایک بینک سٹیٹمنٹ جمع کرانے کی اجازت دی گئی ہے جس میں کم از کم ماہانہ 750 ڈالرجمع ہوں ، یہ  جو فوری طور پر نافذ العمل ہے۔

سعودی حکومت کا کہنا ہے کہ 2023 میں سعودی عرب آنے والے پاکستانی سیاحوں کی تعداد میں پچھلے سال کے مقابلے میں 43 فیصد اضافہ ہوا ہے۔

بیان میں یہ بھی انکشاف کیا گیا کہ سعودی عرب 2024 میں 27 لاکھ پاکستانیوں کو خوش آمدید کہتا ہے ۔

 سعودی عرب نے پشاور، کوئٹہ، لاہور، کراچی، اسلام آباد اور ملتان میں واقع چھ  دفاتر کے ذریعے پاکستانی مسافروں کے لیے ویزا درخواست کے عمل کوآسان بنایا ہے ۔ 

واضح رہے کہ  سعودی عرب نے سعودیہ اور فلائناس کے راستے آنے والے مسافروں کے لیے ٹرانزٹ ویزا متعارف کرایا، جس سے وہ 96 گھنٹے تک ملک کی سیر کر سکتے ہیں۔

گزشتہ سال سعودی عرب نے پاکستانی مسافروں کے لیے ایک سال کا ملٹی پل انٹری ویزا متعارف کرایا تھا۔

وزیراعظم کےکو آرڈینیٹر رانا احسان افضل خان نے کہا ہے کہ معیشت کوبہتری کی طرف گامزن کردیاگیا ہے ۔

بدھ کے روز اسلام آباد میں نیوز کانفرنس سے خطاب کرتے ہوئے انہوں نے کہاکہ ایف بی آر کی ڈیجٹیائزیشن پرکام شروع کردیا گیا ہے جس سے ٹیکس کی مجموعی ملکی پیداوار کی شرح بڑھانے میں مدد ملے گی۔

انہوں نے کہاکہ تقریبا بیالیس ہزار پرچوں فروشوں کو ٹیکس نیٹ میں شامل کیاگیا ہے انہوں نے کہاکہ پی آئی اے کی نجکاری پر پیشرفت ہوئی ہے ۔