ایف بی آر کوڈیجیٹلائز کرنا شروع کردیا ہے ، وزیر انفارمیشن ٹیکنالوجی

وزیر مملکت برائے انفارمیشن ٹیکنالوجی و ٹیلی کمیونیکشن شزہ فاطمہ خواجہ نے آئی ٹی کے شعبے میں سرمایہ کاری کے لئے متعلقہ کمپنیوں کو تمام ممکنہ سہولیات فراہم کرنے کی یقین دہانی کرائی ہے۔

آج اسلام آباد میں سویڈن کی کمپنیوں کے ایک وفد سے گفتگو کرتے ہوئے انہوں نے کہا کہ خصوصی سرمایہ کاری سہولت کونسل مختلف شعبوں میں سرمایہ کاری کے لئے سہولتیں فراہم کررہی ہے۔

شزہ فاطمہ نے کہا کہ ملکی معیشت کو ڈیجیٹلائز کرنا موجودہ حکومت کی اولین ترجیح ہے۔

انہوں نے کہاکہ ہم نے ایف بی آر کی ڈیجیٹلائز کرنا شروع کردیا ہے۔ انہوں نے کہا کہ وزیر اعظم کی سربراہی میں قومی ڈیجیٹلائز یشن کمیشن کی منظوری دے دی گئی ہے جو چاروں صوبوں کی نمائندگی کرے گی۔