صحت
وزیراعلیٰ خیبرپختونخوا نے 5روزہ انسداد پولیو مہم کا آغاز کردیا
مہم کے تحت خیبرپختونخوا کے 6 اضلاع میں انسداد پولیو کے قطرے پلائے جائیں گے
![وزیراعلیٰ خیبرپختونخوا نے 5روزہ انسداد پولیو مہم کا آغاز کردیا](/media/110061/conversions/Polio-drive1-768x432-1280x720.jpg)
وزیراعلیٰ خیبرپختونخوا نے صوبے میں پانچ روزہ انسداد پولیو مہم کا آغاز کردیا۔
وزیراعلیٰ خیبرپختونخوا علی امین گنڈا پور نے جمعہ کو بچوں کو قطرے پلا کر پانچ روزہ انسداد پولیو مہم کا باضابطہ آغاز کیا۔
خیبر پختونخوا میں پانچ روزہ انسداد پولیو مہم یکم جولائی سے 5 جولائی تک جاری رہے گی۔
مہم کے تحت خیبرپختونخوا کے 6 اضلاع صوابی، سوات، ٹانک، شمالی وزیرستان، جنوبی وزیرستان لوئر اور جنوبی وزیرستان اپر میں انسداد پولیو کے قطرے پلائے جائیں گے۔
اسی طرح یہ مہم پانچ اضلاع کی مخصوص یونین کونسلوں میں بھی چلائی جائے گی جن میں ڈی آئی کی 22 یونین کونسلیں شامل ہیں۔مہم کے تحت مجموعی طور پر 12 لاکھ 99 ہزار بچوں کو انسداد پولیو کے قطرے پلانے کا ہدف مقرر کیا گیا ہے۔
وزیر اعلیٰ کے پی علی امین گنڈا پور کو بریفنگ میں بتایا گیا کہ اس مقصد کے لیے تقریباً 9,921 ٹیمیں تشکیل دی گئی ہیں اور تقریباً 15,000 سیکیورٹی اہلکار پولیو ٹیموں کی حفاظت کے لیے تعینات کیے جائیں گے۔
وزیر اعلیٰ نے کہا کہ یہ حوصلہ افزا ہے کہ اس سال اب تک پولیو کا کوئی کیس رپورٹ نہیں ہوا ہے۔ علی امین گنڈا پور نے مزید کہا کہ ہم نے ملک اور خیبرپختونخوا کو پولیو فری بنانا ہے۔
انہوں نے کہا کہ پولیو وائرس کا خاتمہ بھی حکومت کی اولین ترجیحات میں شامل ہے اور والدین سے درخواست ہے کہ وہ اپنے بچوں کو انسداد پولیو کی گولیاں پلائیں اور انہیں عمر بھر کی معذوری سے بچائیں۔
صوبے کو پولیو وائرس سے نجات دلانے کے لیے معاشرے کے تمام طبقات کو اپنا انفرادی اور اجتماعی کردار ادا کرنا ہو گا۔ فرنٹ لائن پولیو ورکرز ہمارے ہیرو ہیں، والدین گھر گھر پولیو کے کاموں میں بھرپور تعاون کریں، وزیراعلیٰ نے ریمارکس دیئے۔
انہوں نے پولیو ورکرز اور فورسز اہلکاروں کی قربانیوں کو خراج تحسین پیش کیا جنہوں نے دوران ڈیوٹی اپنی جانوں کا نذرانہ پیش کیا۔
ٹیکنالوجی
نظام شمسی کے ساتویں سیارے پر خلائی جہاز بھیجنا میرا سب سے بڑا خواب ہے ، ایلو ن مسک
ایلون مسک کے مطابق ان کا بھیجا گیا سیٹلائٹ نظام شمسی کے ستاروں اور سیاروں سے گزرتے ہوئے اس دہائی کے آخر تک مارس پر پہنچے گا
![نظام شمسی کے ساتویں سیارے پر خلائی جہاز بھیجنا میرا سب سے بڑا خواب ہے ، ایلو ن مسک](/media/110275/conversions/_116392518_elon1-1280x720.jpg)
ایلون مسک نے نظام شمسی کے ساتویں سیارے پر خلائی جہاز بھیجنے کو اپنا سب سے بڑا خواب قرار دیا ہے۔
سماجی رابطے کی ویب سائٹ ٹویٹر(ایکس) کے مالک ایلون مسک نے ٹویٹ کرتے ہوئے بتایا کہ ان کا سب سے بڑا خواب یہ ہے کہ وہ یورینس پر اپنا خلائی جہاز بھیجیں۔
Our greatest dream is to send a spaceship to Uranus
— Elon Musk (@elonmusk) June 30, 2024
ناسا کے مطابق یورینس ہمارے نظام شمسی کا ساتواں سیارہ ہے جو سورج کے گرد اپنے مدار میں گردش کر رہا ہے۔
واضح رہے کہ ایلون مسک اسپیس ایکس نامی اپنی سپیس کمپنی سے مارس پر خلائی جہاز بھیجنے کی تین کوششیں کر چکے ہیں۔ پہلی دو کوششوں کی ناکامی کے بعد بالآخر مارچ 2024 میں ان کا اب تک کا کامیاب تجربہ جاری ہے۔ ایلون مسک کے مطابق ان کا بھیجا گیا سیٹلائٹ نظام شمسی کے ستاروں اور سیاروں سے گزرتے ہوئے اس دہائی کے آخر تک مارس پر پہنچے گا۔
تجارت
آل پاکستان انجمن تاجران کا بجلی کے بلوں میں اضافے کے خلاف احتجاج کا اعلان
انہوں نے کہا کہ 200 یونٹ کا بل 3 ہزار، 201 یونٹ کا بل 8 ہزار سمجھ سے بالاتر ہے، 200 روپے سے لے کر 1000 روپے فکس ٹیکس کسی صورت قبول نہیں
![آل پاکستان انجمن تاجران کا بجلی کے بلوں میں اضافے کے خلاف احتجاج کا اعلان](/media/110280/conversions/1-29-1280x720.jpg)
آل پاکستان انجمن تاجران نے بجلی کے بلوں میں اضافے کے خلاف احتجاج کا اعلان کردیا ہے۔
تفصیلات کے مطابق صدرآل پاکستان انجمن تاجران اجمل بلوچ نے اپنے جاری کردہ ایک بیان میں کہا کہ تاجر برادری یکم جولائی کو ملک گیر احتجاج کرے گی۔
انہوں نے کہا کہ 200 یونٹ کا بل 3 ہزار، 201 یونٹ کا بل 8 ہزار سمجھ سے بالاتر ہے، 200 روپے سے لے کر 1000 روپے فکس ٹیکس کسی صورت قبول نہیں۔
ان کا کہنا تھا کہ فاضل ٹیکس، فیول ایڈجسٹمنٹ پر انکم ٹیکس و سیل ٹیکس سب ختم کریں۔
تفریح
معروف پاکستانی اداکارہ ماہرہ خان کی اٹلی میں دلکش تصا ویر وائرل
اٹلی کے لاما مونا چائل نامی ساحلی مقام پر لی گئی تصاویر میں اداکارہ پر فضا مقام سے لطف اندوز ہوتی دکھائی دے رہی ہیں
![معروف پاکستانی اداکارہ ماہرہ خان کی اٹلی میں دلکش تصا ویر وائرل](/media/110276/conversions/d1550626-9184-4a22-a81c-42b3ce1cb622-1280x720.jpg)
View this post on Instagram
-
علاقائی 15 گھنٹے پہلے
پنجاب حکومت نے احسن اقدام ، سیاحوں کیلئے ٹورسٹ ٹرین پراجیکٹ کی منظوری
-
کھیل 5 گھنٹے پہلے
بھارتی کرکٹر ویندرا جڈیجا کا ٹی ٹو ےنٹی ورلڈ کپ سے ریٹا ئرمنٹ کا اعلان
-
پاکستان ایک دن پہلے
تحریک انصاف کے ایک اور بڑے پارٹی رہنما نے استعفیٰ دیدیا
-
دنیا ایک دن پہلے
ایرانی کے صدارتی انتخابات ، کسی امیدوار کو اکثریت نہ حاصل ہو سکی، ووٹنگ دوبارہ ہو گی
-
پاکستان 10 گھنٹے پہلے
پی آئی اے کا عمرہ زائرین کے لئے کرایوں میں کمی کا اعلان
-
تجارت 12 گھنٹے پہلے
موٹروے پر سفر کرنےوالی گاڑیوں کے ٹول ٹیکس میں اضافہ
-
کھیل ایک دن پہلے
ویرات کوہلی کا ٹی ٹوئنٹی کرکٹ سے ریٹا ئرمنٹ کا اعلان
-
پاکستان 2 دن پہلے
قومی اسمبلی میں امریکی ایوان نمائندگان کی قرار داد کے خلاف قرار داد منظور