سپیکر صاحب انہیں چھوڑیں، مجھے دیکھیں ، انہوں نے پانچ سال یہی کرنا ہے ، مریم نواز

سپیکر صاحب! انہیں چھوڑیں، مجھے دیکھیں۔‘‘ مریم نواز کا بھری اسمبلی میں اسپیکر کو مشورہ 

 لاہور : پنجاب اسمبلی کے اجلاس کے دوران وزیر اعلی پنجاب  مریم نواز نے اپنی تقریر کرتے ہوئے اسپیکر اسمبلی کو ایک مضحکہ خیز تجویز دے ڈالی۔ 
وزیر اعلیٰ پنجاب مریم نواز نے اسمبلی میں تقریر کے دوران اسپیکر اسمبلی کی توجہ بار بار اپنی تقریر کی طرف مبذول کروانے کی کوشش کی، مگر اسمبلی کے اندر موجود اپوزیشن ارکان کے شور کی بدولت اسمبلی اسپیکر کی توجہ منعکس ہوتی رہی۔ 
بالآخر دوران تقریر ہی وزیر اعلیٰ پنجاب نے اسپیکرپنجاب  اسمبلی کو کہا ’’ اسپیکر صاحب! آپ ادھردیکھیں۔ انہیں چھوڑ دیں۔‘‘ 

مریم نواز نے کہا کہ اسپیکر صاحب آپ ادھر دیکھیں، انہوں نے 5 سال یہی کرنا ہے، اپوزیشن والے میرے بھائی اور بہنیں ہیں، اپوزیشن کی بڑی تعداد محب وطن ہیں، 100 دن کی کارکردگی کوایک تقریر میں سمیٹنا مشکل ہے، اس حکومت کو چلانا میرے لیے دہرا چیلنج ہے۔
وزیراعلیٰ مریم نواز نے اپوزیشن ارکان پر تنقید کرتے ہوئے کہا کہ اپوزیشن ارکان نے اسمبلی میں 5 سال تک ایسے ہی شورمچانا ہے۔ لہٰذا بہتر یہی ہے کہ انہیں ان کے حال پرچھوڑ دیا جائے۔