دنیا
بھارتی فوج کے 5اہلکار مشقوں کے دوران سیلابی ریلے میں بہہ کر ہلاک
فوجی اہلکار ٹینکوں پر سوار ہوکر دریا عبور کرنے لگے تو دریا میں اچانک بڑا سیلابی ریلا آگیا
بھارتی فوج کے 5 اہلکار مشقوں کے دوران سیلابی ریلے میں بہہ کر ہلاک ہو گئے۔
بھارتی میڈیا کے مطابق بھارتی فوج کے اہلکار مشرقی لداخ میں لائن آف ایکچوئل پر معمول کی مشقیں کررہے تھے کہ اس دوران فوجی اہلکار ٹینکوں پر سوار ہوکر دریا عبور کرنے لگے تو دریا میں اچانک بڑا سیلابی ریلا آگیا۔
بھارتی میڈیا کا بتانا ہےکہ یہ واقعہ دولت بیگ اولڈی کے علاقے میں پیش آیا، دریا عبور کرتے ہوئے اچانک پانی کی سطح میں اضافہ ہوگیا جس سے ٹینکوں کا توازن بگڑ گیا اور 5 فوجی اہلکار سیلابی ریلے میں بہہ گئے۔
بھارتی میڈیا کے مطابق سیلابی ریلے میں بہہ کر مرنے والوں میں 4 اہلکار ایک جونیئر کمیشنڈ آفیسر شامل ہے جن کی لاشیں پانی سے نکال لی گئی ہیں۔
جرم
اسرائیلی حملے میں مزید 23 فلسطینی شہید
گزشتہ سال 7 اکتوبر سے اب تک اسرائیل کے وحشیانہ حملوں میں 86 ہزار سے زیادہ فلسطینی زخمی ہوئے ہیں
اسرائیلی فوج نے گزشتہ 24 گھنٹے میں غزہ میں فلسطینیوں پر دو حملے کیے ہیں جن میں کم ازکم 23 فلسطینی شہید اور 91 زخمی ہوگئے۔
مقامی صحت حکام نے تصدیق کی ہے کہ غزہ میں گزشتہ 9 مہینے میں اسرائیلی جارحیت سے 38 ہزار کے قریب فلسطینی شہید ہوچکے ہیں۔
گزشتہ سال 7 اکتوبر سے اب تک اسرائیل کے وحشیانہ حملوں میں 86 ہزار سے زیادہ فلسطینی زخمی ہوئے ہیں۔
پاکستان
اپوزیشن کے گرینڈ الائنس کے لیے اسٹیئرنگ کمیٹی تشکیل دینے کا فیصلہ
اسٹیئرنگ کمیٹی پی ٹی آئی اور جے یو آئی کے ممکنہ اتحاد سے متعلق ٹی او آرز طے کرے گی
اپوزیشن کے گرینڈ الائنس کے لیے اسٹیئرنگ کمیٹی تشکیل دینے کا فیصلہ کرلیا گیا ہے۔
میڈیا رپورٹس کے مطابق اسٹیئرنگ کمیٹی پی ٹی آئی اور جے یو آئی کے ممکنہ اتحاد سے متعلق ٹی او آرز طے کرے گی۔اسٹیئرنگ کمیٹی کے لیے 5 نام پاکستان تحریک انصاف اور 5 نام جمعیت علمائے اسلام سے جانب سے دیے جائیں گے۔
ذرائع کے مطابق اسٹیئرنگ کمیٹی ممکنہ احتجاج سے متعلق حکمت عملی طے کرے گی۔اسٹیئرنگ کمیٹی کے لیے ناموں کا تبادلہ رواں ہفتے تحریک تحفظ آئین اور جے یو آئی کے درمیان ہوگا، تحریک انصاف کا وفد رواں ہفتے مولانا فضل الرحمان سے ملاقات بھی کرے گا۔
ذرائع کے مطابق اسٹیئرنگ کمیٹی مقررہ ٹائم فریم میں اپنی رپورٹ مرکزی قیادت کو پیش کرے گی۔
دنیا
سابق افغان ویمنز کرکٹرز نے افغان پناہ گزینوں کی ٹیم بنانے کیلئے آئی سی سی کو خط لکھ دیا
ورلڈ کپ 2024 میں بہترین کارکردگی کا مظاہرہ کیا، اسی طرح افغانی خواتین بھی کرکٹ کے میدان میں بھر پور کارکردگی دکھانے کا جزبہ رکھتی ہیں
آسٹریلیا میں مقیم سابق افغانی کرکٹ ٹیم کی خاتون کھلاڑیوں نے آئی سی سی کے نام خط لکھ کر افغانی نژاد خواتین کی کرکٹ کی ٹیم بنانے کی درخواست کی۔
آئی سی سی چیئرمین گریگ بارلے کے نام لکھے گئے خط میں دعویٰ کیا گیا کہ جس طرح افغانی مینز ٹیم نے حالیہ ورلڈ کپ 2024 میں بہترین کارکردگی کا مظاہرہ کیا، اسی طرح افغانی خواتین بھی کرکٹ کے میدان میں بھر پور کارکردگی دکھانے کا جزبہ رکھتی ہیں۔
خط میں مطالبہ کیا گیا کہ افغانی پناہ گزینوں پر مشتمل خواتین کی ایک کرکٹ ٹیم بنانے کے لیے آئی سی سی فنڈز کی فراہمی کرے، تا کہ کرکٹ کھیلنے میں دلچسپی رکھنے والی افغانی خواتین کو پیشہ ورانہ تربیت دی جا سکے۔
افغانی نژاد آسٹریلوی کرکٹ پلیئرز کی جانب سے لکھے گئے خط میں دعویٰ کیا گیا کہ افغانی پناہ گزینوں کی ویمنز کرکٹ ٹیم بنانے سے نہ صرف خواتین کو ایک بہتر زندگی گزارنے کے موقعے ملیں گے، بلکہ وہ اپنے ملک اور مسائل کی بہتر طور پر نمائندگی بھی کر سکیں گی۔
-
پاکستان 15 گھنٹے پہلے
لاہورائیر پورٹ کو روزانہ تین گھنٹوں کیلئے بند رکھنے کا فیصلہ
-
تجارت ایک دن پہلے
موٹروے پر سفر کرنےوالی گاڑیوں کے ٹول ٹیکس میں اضافہ
-
پاکستان 2 دن پہلے
آپریشن ’عزم استحکام ‘ کی کامیابی کیلئے پاکستان نے امریکا سے مدد مانگ لی
-
تجارت 18 گھنٹے پہلے
فنانس بل 2024 کے تحت نئے ٹیکسز کا اطلاق آج سے ہو گیا
-
دنیا 2 دن پہلے
ایرانی کے صدارتی انتخابات ، کسی امیدوار کو اکثریت نہ حاصل ہو سکی، ووٹنگ دوبارہ ہو گی
-
پاکستان ایک دن پہلے
پی آئی اے کا عمرہ زائرین کے لئے کرایوں میں کمی کا اعلان
-
پاکستان ایک دن پہلے
مولانا فضل الرحمان کا ملک میں دوبارہ آزادانہ اور منصفانہ انتخابات کا مطالبہ
-
تجارت ایک دن پہلے
آل پاکستان انجمن تاجران کا بجلی کے بلوں میں اضافے کے خلاف احتجاج کا اعلان