این سی او سی کا بیرون ملک سے آنے والی پروازوں کو محدود کرنے کا فیصلہ

تفصیلات کے مطابق غیر ملکی مسافروں میں کورونا وائرس کے بڑھتے کیسز کے باعث این سی او سی نے بیرون ملک سے آنے والی پروازوں کو محدود کرنے کا اعلان کردیا ہے۔ این سی او سی کے گزشتہ روز ہونے والے اجلاس میں پروازوں کو محدود کرنے کے حوالے فیصلہ کیا گیا۔ این سی او سی نے آج باضابطہ طور پر نوٹیفکیشن جاری کردیا ہے۔ پاکستان کے ہوائی اڈوں پر یومیہ صرف 35 جہازوں کو لینڈ کرنے کی اجازت ہوگی جبکہ یومیہ 6 ہزار مسافر بیرون ملک سے پاکستان آسکیں گے اور پالیسی کا اطلاق 15 جون سے ہوگا۔

نیشنل کمانڈ اینڈ آپریشن سنٹر نے بیرون ملک سے آنے والی پروازوں کو محدود کرنے کا اعلان کردیا، نوٹیفکیشن جاری۔#NCOC #PAKISTAN pic.twitter.com/uG6osZ4QJK

— Shehroz Azhar (@shehrozazhar1) June 12, 2021

دوسری جانب کورونا وائرس کے پیش نظر بیرون ملک سے آنے والی پروازوں میں سے 80فیصد پروازیں منسوخ جبکہ 20 فیصد پروازوں کو پاکستان کے لیے آپریٹ کیا جائے گا، سول ایوی ایشن اتھارٹی نے نوٹیفیکیشن جاری کر دیا۔ سی اے اے نے کیٹگری سی والے ممالک کے ترمیم شدہ فہرست جاری کر دی۔پاکستان کی انڈیا سمیت 26 ممالک پر سفری پابندی برقرار رہے گی۔