روس کی ایران کو جدید ترین سیٹیلائٹ سسٹم دینے کی تیاری

غیر ملکی خبر رساں ادارے کے مطابق  روس ایران کو جدیدترین سیٹیلائٹ سسٹم دینے کی تیاری کررہا ہے جس کی مدد سے ایران اپنے پڑوسی ممالک  خاص طور پر عراق میں قائم امریکی ملٹری بیس، اسرائیلی ملٹری بیس اور  سعودی آئل فیلڈز  پر گہری نظر رکھ سکے گا۔

روسی ساختہ سیٹیلائٹ (Kanopus-V) میں انتہائی جدید ہائی ریزولوشن کیمراز لگے ہوئے ہیں جس کے استعمال سے ایران کی جاسوسی کی صلاحیتوں میں بے پناہ اضافہ ہوجائے گا، جبکہ ممکنہ طور پر ایک مہینے کے اندر اس کی  منتقلی ممکن ہے۔

چند روز قبل روسی ماہرین نے بھی ایرانی عملے کو تربیت دینے کے لیے ایران کا دورہ کیا تھا۔

واضح رہے کہ ایرانی کمانڈر 2018 سے متعدد بار سیٹیلائٹ معاہدے کو حتمی شکل دینے کے لیے روس کا دورہ کرچکے ہیں۔