جسٹس حسن اظہر رضوی کی عدالت میں الیکشن کمیشن پر تنقید، چیف جسٹس نے بات کاٹ دی

سپریم کورٹ آف پاکستان میں الیکشن کمیشن کے خلاف کیس کی سماعت کرتے ہوئے جسٹس حسن اظہر رضوی نے دلچسپ انداز میں الیکشن کمیشن کو تنقید کا نشانہ بنا ڈالا، جس پر ایڈوکیٹ سلمان اکرم راجہ نے جسٹس رضوی کی تائید کی، مگر چیف جسٹس قاضی فائز عیسیٰ نے انہیں ٹوک دیا۔ 
سپریم کورٹ آف پاکستان کے جسٹس رضوی نے الیکشن کمیشن کے خلاف کیس کی سماعت کرتے ہوئے کہا کہ کسی زمانے میں گورنمنٹ اور قانونی ادارے قانونی چارہ جوئی کے لیے معتبر ذرائع سمجھے جاتے تھے، مگر حالیہ جاری کیسز کی سماعت کرتے ہوئے تو ایسا لگ رہا ہے کہ جیسے الیکشن کمیشن خود مقدمہ جیتنے آئی ہے۔ 
جس پر سلمان اکرم راجہ نے جواب دیتے ہوئے کہا کہ جی بلکل جج صاحب آپ بالکل درست فرما رہے ہیں۔ الیکشن کمیشن ہمارے ساتھ ایسا برتاؤ کر رہا ہے جیسے یہ ہمارے مخالفین ہوں۔
ایڈوکیٹ سلمان اکرم راجہ نے مزید کہا کہ الیکشن کمیشن آف پاکستان کو ایک آئینی ادارہ ہونے کی حیثیت سے غیر جانبدار ہو کر اپنے ملک کی عوام کے مفاد میں سوچنا چاہیے، مگر حقیقت یہ ہے کہ بدقسمتی سے الیکشن کمیشن اپنے آئینی فرائض نہیں نبھا رہا۔ 
جس پر چیف جسٹس آف پاکستان قاضی فائز عیسیٰ نے ایڈوکیٹ سلمان اکرم راجہ کو فورا ٹوکا اور کہا کہ سلمان صاحب ہم نے آپ کی بات سن لی ہے، اب آپ آگے چلیں۔