ٹیکنالوجی کی مدد سے شوگر کے مریض کی زخم شدہ ٹانگ کٹنے سے بچ گئی

مائیکرویو کی مدد سے کیے گئے علاج نے ضیاءبطیس سے متاثرہ شخص کی ٹانگ کٹنے سے بچا لی۔ 
تفصیلات کے مطابق سکاٹ لینڈ سے تعلق رکھنے والا  بیری میلڈ نامی ایک شخص عرصہ دراز سے ضیابطیس ٹائپ 2 سے متاثر تھا۔ 
74 سالہ بیری میلڈ کی ٹانگ میں شوگر کے باعث انفیکشن شروع ہوا جو کہ کورونا کی وباء کے دوران  بگڑ گیا۔ ڈاکٹر نے معائنے کے بعد مریض کی ٹانگ کاٹنے کو ہی آخری حل قرار دے دیا۔   
ایک میڈیکل کا طالب علم جو کہ مائیکرویو ٹیکنالوجی کی مدد سے زخموں کے علاج پر ریسرچ کر رہا تھا، اس نے مریض کو مائیکرو ویو ٹیکنالوجی کی مدد سے علاج کرنے کا مشورہ دیا۔ 
9 ماہ کے علاج کے بعد بیری میلڈ نامی 74 سالہ شخص حیرت انگیز طور پر پاؤں کے السر سے مکمل شفا یاب ہو گیا اور اس کی ٹانگ بھی کٹنے سے بچ گئی۔ 
عموما، شوگر سے متاثرہ زخموں کے خراب ہونے کے سبب ماہرین 
صحت متاثرہ عضو کو کاٹ دینا ہی مناسب سمجھتے ہیں۔ مائیکرویو ریز ٹیکنالوجی کے ذریعے زخموں کا علاج مستقبل میں صحت کے میدان میں ایک اہم سنگ میل ثابت ہو سکتا ہے۔