پشاور میں 9اور 10 محرم کو موبائل سگنلز بند رکھنے کا فیصلہ

خیبر پختونخوا کے صوبائی دارالحکومت پشاور میں 9 اور 10 محرم الحرام کو موبائل فون کے سگنل بند رہیں گے۔

سی سی پی او پشاور پولیس قاسم علی نے کہا کہ 9 اور 10 محرم الحرام کو موبائل فون سگنلز بند رہیں گے، محرم الحرام کے دوران فل پروف سکیورٹی کو یقینی بنانا ہے۔

سی سی پی او پشاور کے مطابق کسی بھی ناخوشگوار واقعہ سے بچنے کےلیے موبائل فون سگنلز بند کرنے کا فیصلہ کیا گیا ہے۔