ود ہولڈنگ ٹیکس کیخلاف فلور ملز کی ہڑتال دوسرے روز بھی جاری

ود ہولڈنگ ٹیکس کے خلاف فلور ملز ایسوسی ایشن کی دوسرے روز بھی ملک گیر ہڑتال جاری ہے جس کے باعث آٹے کے بحران کا خدشہ مزید بڑھ گیا ہے۔

فلور ملز ایسوسی ایشن کی ہڑتال کے باعث آٹے کی قلت کا بحران بڑھنے لگا، صوبہ خیبر پختونخوا میں 300 سے زائد فلور ملز بند ہیں جبکہ ملک بھر میں دیگر ملوں اور چکیوں پر بھی تالے پڑ گئے ہیں۔

ملک بھر میں گندم کی پسائی اور آٹے کی مارکیٹ میں سپلائی کا سلسلہ بھی بلکل رک گیا ، سپلائی بند ہونے کی وجہ سے مارکیٹ میں آٹے کی قلت پیدا ہونے لگی۔

قلت کے باعث آٹے کی قیمتوں میں اضافے کا امکان ظاہر کیا جا رہا ہے۔

دوسری جانب چیئرمین فلور ملز ایسوسی ایشن شفیق انجم نے کہا کہ ود ہولڈنگ ٹیکسز اور بجلی کی قیمتوںمیں اضافہ فوری واپس لیا جائے۔ انہوں نے مزید کہا کہ اگر مطالبات منظور نہ ہوئے تو احتجاج کا سلسلہ طول پکڑ سکتا ہے۔