محکمہ موسمیات نے لاہور میں آج اور کل بارش کی پیشگوئی کر دی

محکمہ موسمیات نے لاہور میں آج اور کل بارش کی پیشگوئی کر دی
لاہور میں درجہ حرارت 37 ڈگری تک جانے کا امکان، کراچی میں بھی آج ہلکی بارش کی پیشگوئی
پنجاب کے صوبائی دارالحکومت لاہور میں آج کم سے کم درجہ حرارت 28 جبکہ زیادہ سے زیادہ درجہ حرارت 37 ڈگری سینٹی گریڈ تک جانے کا امکان ہے۔

ان کا کہنا تھا کہ لاہور میں ہوا میں نمی کا تناسب 65 فیصد تک جا پہنچا، شہر کا موجودہ درجہ حرارت 31 ڈگری سینٹی گریڈ ریکارڈ کیا گیا ہے جبکہ لاہور میں آج اور کل بارش برسنے کے امکانات ہیں۔

محکمہ موسمیات کے مطابق لاہور میں آج دن بھر سورج اور بادلوں کی آنکھ مچولی کا سلسلہ جاری رہے گا۔

دوسری جانب محکمہ موسمیات نے کراچی میں آج بوندا باندی اور ہلکی بارش کی پیش گوئی کر دی۔

محکمہ موسمیات کے مطابق کراچی میں آئندہ 24 گھنٹوں کےدوران موسم گرم اور مرطوب رہنے کا امکان ہے، کراچی میں پچھلے 24 گھنٹوں میں کم سےکم درجہ حرارت 30.5 ڈگری سینٹی گریڈ ریکارڈ کیا گیا۔

کراچی میں زیادہ سےزیادہ درجہ حرارت 34 سے 36 ڈگری سینٹی گریڈتک رہنےکا امکان ہے۔ کراچی میں سمندری ہوائیں 18 کلومیٹر فی گھنٹہ کی رفتار سے چل رہی ہیں اور سمندری ہواؤں میں نمی کا تناسب 70 فیصد ہے۔