آزاد کشمیر میں زیادہ بارشوں کا خطرہ، 66 نالے انتہائی خطرناک قرار 

مظفرآباد:آزاد کشمیر میں مون سون بارشوں کا خطرہ بڑھ گیا ہے جس کے پیش نظر اسٹیٹ ڈیزاسٹر مینجمنٹ اتھارٹی (پی ڈی ایم اے) نے شہریوں کو خبردار کر دیا ہے۔

پی ڈی ایم اے کے مطابق مون سون کی شدید بارشوں کے نتیجے میں دریاؤں اور ندی نالوں میں سیلابی ریلوں کا خطرہ بڑھ گیا ہے۔ اس لیے دریاؤں اور ندی نالوں کے کناروں پر آباد شہریوں کو محفوظ مقامات پر منتقل ہونے کی ہدایت کی گئی ہے۔

مظفرآباد کے گوجرہ نالہ سمیت آزاد کشمیر کے 66 نالوں کو انتہائی خطرناک قرار دیا گیا ہے۔ ان نالوں کی صفائی کا کام تیزی سے جاری ہے تاکہ بارشوں کے پانی کے بڑھنے سے ہونے والے ممکنہ نقصانات کو کم کیا جا سکے۔

پی ڈی ایم نے آزاد کشمیر کے سیاحتی مقامات کا رخ کرنے والے سیاحوں اور علاقہ مکینوں کو بھی غیر ضروری سفر سے اجتناب کرنے کی وارننگ جاری کی ہے۔