گلوبل ٹی ٹوئنٹی کینیڈا ، بابر اعظم،شاہین آفریدی اور محمد رضوان کو این او سی نہ ملنے کا امکان

گلوبل ٹی ٹوئنٹی کینیڈا کے لیے بابر اعظم،شاہین آفریدی اور محمد رضوان کو این او سی ملنے کا امکان نہیں ہے۔

کینیڈا کی لیگ کسی سیریز سےمتصادم نہ ہونے کےباوجود  این او سی کا امکان نہیں ہے،آل فارمیٹ پلئِرز کےلیےپالیسی کی وجہ سےاین او سی نہیں دیا جائے گا،پی سی بی آل فارمیٹ پلئیرزکو مصروف انٹرنیشنل شیڈول کی وجہ سے این او سی دینے کے حق میں نہیں۔

حال ہی میں نسیم شاہ کو بھی آل فارمیٹ پلئیرکی وجہ سے دی ہنڈریڈ کے لیے این او سی نہیں ملا،گلوبل ٹی ٹونٹی کینیڈا کو آئی سی سی کی جانب سے تاحال منظوری نہیں ملی۔

کئی ایک معاملات کی وجہ سے آئی سی سی نے لیگ کی منظوری روکی ہوئی ہے،  لیگ کی منظوری کے بعد کھلاڑیوں کےاین او سی کا باقاعدہ فیصلہ ہوگا،محمد عامر، محمد نواز ،آصف علی اور افتخار احمد کے بھی لیگ میں معاہدے ہیں۔