پاک افغان بارڈر پر دہشتگردی کی کوشش ناکام ، 3 دہشت گرد ہلاک

آئی ایس پی آر کے مطابق  3 دہشت گردوں نے 21  اور  22 جولائی کی درمیانی شب ضلع دیر میں پاک افغان سرحد پر دراندازی کی کوشش کی۔

آئی ایس پی آر کے مطابق سکیورٹی فورسز  نے دہشت گردوں کو کامیابی سے گھیرے میں لے لیا، سکیورٹی فورسز اور دہشت گردوں کے درمیان فائرنگ کا تبادلہ ہوا جس کے نتیجے میں3 دہشت گرد ہلاک ہوگئے۔

آئی ایس پی آر کا کہنا ہےکہ پاکستان   افغانستان  سے متواتر اپنے بارڈر کو محفوظ بنانے کا مطالبہ کرتا آیا ہے، توقع ہےکہ افغان عبوری حکومت اپنی سرزمین پاکستان کے خلاف استعمال سے روکے گی، توقع ہے عبوری افغان حکومت اپنی ذمہ داریاں پوری کرےگی۔

 آئی ایس پی آر کا کہنا ہےکہ  پاکستانی سکیورٹی فورسز اپنی سرحدیں محفوظ بنانے کیلئے پُرعزم ہیں، سکیورٹی فورسز  ملک سے دہشتگردی کی لعنت کےخاتمے کیلئے بھی پرعزم  ہیں۔