وزیراعظم کی طبیعت ناساز ، دورہ ایران ملتوی کر دیا گیا

اسلام آباد: وزیراعظم شہباز شریف کی طبیعت ناسازہونے  کے باعث دورہ ایران ملتوی کر دیا گیا۔

وزیر اعظم نے نو منتخب ایرانی صدر ڈاکٹر مسعود پیزشکیان کی تقریب حلف برداری میں شرکت کیلئے ایران جانا تھا۔

وزیر اعظم شہباز شریف کی طبیعت گزشتہ روز اچانک ناساز ہو گئی جس کی وجہ سے انہوں نے اپنی تمام مصروفیات منسوخ کر دی تھیں، ڈاکٹرز نے وزیر اعظم کو مکمل آرام کا مشورہ دے دیا ہے۔

وزیراعظم کی طبیعت ناساز!#GNN #BreakingNews #NewsUpdates #GNN_Updates pic.twitter.com/H4QEX4rq3s

— GNN (@gnnhdofficial) July 30, 2024

دوسری جانب وزیر اعظم کی جانب سے دورہ ملتوی کرنے کے بعد اب نائب وزیر اعظم اسحاق ڈار وفد کے ہمراہ آج ایران جائیں گے، اسحاق ڈار کی قیادت میں پاکستان کا وفد ایران کے نئے صدر ڈاکٹر مسعود پیزشکیان کی تقریب حلف برداری میں شرکت کرے گا۔