بارشیں موسمی اثرات کے باعث ہیں ، حکومت بارشوں کو کم نہیں کر سکتی ، عظمی بخاری

لاہور : پنجاب کی وزیراطلاعات عظمٰی بخاری نے نیوز کانفرنس کرتے ہوئے کہا کہ متعددعلاقوں سے بارش کے پانی کی بروقت نکاسی ہوئی، لاہورمیں شدید بارشوں سے مشکلات کاسامنا کرنا پڑا، لاہورمیں شدید بارشوں سے مشکلات کاسامنارہا۔

انہوں نے کہا کہ بارشیں تو موسم کے باعث ہو رہی ہیں لہذا ان کو کسی صورت بھی کم نہیں کیا جا سکتا ۔ 

وزیراطلاعات پنجاب نے کہا کہ وزیراعلیٰ پنجاب صورتحال کوخود مانیٹرکررہی ہیں، انتظامیہ کواحکامات تھے کہ جلد پانی کی نکاسی مکمل کی جائے، بارشوں کونہ روکا جاسکتا ہے نہ کم کیاجاسکتاہے، تیزبارشوں کی پہلے سے پیشگوئی ہوئی تھی۔

عظمیٰ بخاری نے کہا کہ سروسزاسپتال کوبارش کی وجہ سے زیادہ ہائی لائٹ کیا گیا، کیمرے کی آنکھ سے جھوٹ نہیں بولا جا سکتا،  لاہورمیں بارشوں کا 44 سالہ ریکارڈ ٹوٹا ہے، عوام کی تکالیف میں کمی حکومت کی ذمےداری ہے۔

وزیراطلاعات پنجاب نے کہا کہ عوام کی تکالیف میں کمی کیلئے اقدامات حکومت کی ذمہ داری ہے، بارشوں کے پیش نظروزیراعلیٰ نے تمام اداروں کوالرٹ رکھا ہے، لاہورمیں بارش کا 44 سالہ ریکارڈ ٹوٹا ہے۔