خانیوال: رشتے کے تنازع پر بڑے بھائی کی فائرنگ سے 2 چھوٹے بھائی قتل

خانیوال: خانیوال کے علاقے عبدالحکیم میں رشتے کے تنازع پر ایک شخص نے اپنے دو چھوٹے بھائیوں کو قتل کر دیا۔

پولیس کے مطابق ملزم منیراحمد نے اپنے چھوٹے بھائی قیصر عباس اور ناصر عباس سے اپنی بیٹی کے لیے رشتہ مانگا تھا۔ جب ان کے بھائیوں نے رشتہ دینے سے انکار کیا تو ملزم نے دونوں بھائیوں کو گھر میں جا کر فائرنگ اور چھریوں کے وار کر کے قتل کر دیا۔

ریسکیو اہلکاروں نے دونوں بھائیوں کی لاشوں کو عبدالحکیم ہسپتال منتقل کردیا۔ذرائع کے مطابق بھائی نے مرنے والوں کو ان کے گھروں میں جاکر قتل کیا۔

واقعے کی اطلاع ملتے ہی پولیس موقع پر پہنچی اور شواہد اکٹھے کر کے تحقیقات شروع کر دیں۔ ملزم کو گرفتار کرنے کے لیے بھی کارروائی جاری ہے۔