شہداء پولیس کی تکریم پر کوئی سمجوتہ نہیں،مریم نواز

لاہور : یوم شہداء پولیس پر اپنے پیغام میں وزیراعلیٰ پنجاب مریم نواز نے کہا ہے کہ تمام شہداء کی عظیم قربانیوں کو سلام۔ انہوں نے کہا کہ شہداء ہمارے دلوں میں ہمیشہ زندہ رہیں گے اور ان کی قربانیاں اثاثہ ہیں جنہیں کبھی فراموش نہیں کیا جا سکتا۔

وزیراعلیٰ پنجاب مریم نواز نے کہا کہ وہ قوم سرخرو ہوتی ہے جو شہداء کی تکریم کرتی ہے اور شہداء کی تکریم پر کوئی سمجوتہ نہیں کیا جائے گا۔ انہوں نے مزید کہا کہ حکومت پنجاب ہر لمحہ شہداء کے اہل خانہ کے ساتھ ہے اور ساتھ رہے گی۔

مریم نواز نے کہا کہ کچے کے علاقے سمیت ہر علاقے میں پولیس فورس قابل قدر فرائض سر انجام دے رہی ہے اور پنجاب حکومت شہداء کے خاندانوں کی ویلفیئر کیلئے تمام تر وسائل بروئے کار لارہی ہے۔ انہوں نے یقین دلایا کہ ہر شہید کے خاندان کی دیکھ بھال اور خدمت کا فریضہ پوری طرح نبھایا جائے گا۔