پاکستان کے ناصر اقبال نے بیگا اوپن اسکواش ٹورنامنٹ جیت لیا

پاکستان کے نامور اسکواش کھلاڑی ناصر اقبال نے اپنی شاندار کارکردگی کا مظاہرہ کرتے ہوئے آسٹریلیا میں ہونے والا بیگا اوپن اسکواش ٹورنامنٹ جیت لیا ہے۔ فائنل میں انہوں نے سیکنڈ سیڈ ہانگ کانگ کے میتھیو لائے کو 0-3 سے شکست دے کر اپنی صلاحیتوں کا لوہا منوایا۔

ناصر اقبال نے فائنل میں 6-11، 1-11 اور 3-11 کے واضح فرق سے میچ جیتا۔

 بیگا اوپن اسکواش ٹورنامنٹ کی مجموعی انعام کی رقم 12 ہزار ڈالر ہے جو کہ پاکستانی روپوں میں تقریباً 33 لاکھ بنتی ہے۔

یہ ٹائٹل ناصر اقبال کے کیرئیر کا 17 واں اسکواش ٹورنامنٹ ہے۔

ناصر اقبال نے گزشتہ 5 میں سے 4 ٹورنامنٹ جیت کر اپنی شاندار فارم ثابت کی ہے۔دوسری جانب ناصر اقبال اب ملائشیا میں ہونے والے اسکواش ٹورنامنٹس میں شرکت کریں گے۔