حکومت پارلیمان کو عدلیہ کے مدمقابل لانے سے اجتناب کرے، اسد قیصر

پی ٹی آئی رہنما اور سابق اسپیکر قومی اسمبلی اسد قیصر نے کہا کہ حکومت پارلیمان کو عدلیہ کے مدمقابل لانے سے اجتناب کرے۔

سوشل میڈیا پلیٹ فارم ایکس پر اپنے ٹویٹ میں اس قیصر نے کہا کہ عدلیہ کی آزادی پر حکومتی شب خون مسترد کرتے ہیں، الیکشن ایکٹ میں سپریم کورٹ کے فیصلے پر عملدرآمد روکنے کیلئے سادہ اکثریت سے ترمیم آئین کی کھلم کھلا خلاف ورزی ہے۔

آج کا اجلاس حکومت کو تنبیہ کرتا ہے کہ پارلیمان کو عدلیہ کے مدمقابل لانے سے اجتناب کرے، عدلیہ کی آزادی پر حکومتی شبخون مسترد کرتے ہیں، الیکشن ایکٹ میں سپریم کورٹ کے فیصلے پر عملدرآمد روکنے کیلئے سادہ اکثریت سے ترمیم آئین کی کھلم کھلا خلاف ورزی ہے۔ آئین اداروں کے درمیان تقسیم…

— Asad Qaiser (@AsadQaiserPTI) August 8, 2024

سابق اسپیکر قومی اسمبلی کا کہنا تھا کہ آئین اداروں کے درمیان تقسیم اور اختیارات واضع کرتا ہے پارلیمان اور عدلیہ کو اپنی حدود میں کام کرنا ہو گا۔حکومت کا چیف جسٹس پاکستان کے عہدہ ملازمت میں توسیع کی کوششیں عدلیہ کو متنازعہ اور اس اہم عہدے کی تذلیل کرنے کے مترادف ہیں۔

پی ٹی آئی رہنما نے مزید کہا کہ ہم چیف جسٹس پاکستان کے عہدہ ملازمت میں توسیع کی کوشش کو مسترد کرتے ہیں ۔ فوری طور پر سینئر موسٹ جج کو چیف جسٹس پاکستان کے عہدے پر تعینات کرنے کا نوٹیفیکشن کیا جائے۔