خیبر پختونخواہ : پولیس تنخواہوں میں اضافے سے متعلق قرارداد منظور

پشاور : خیبرپختونخوا اسمبلی میں پولیس تنخواہوں میں اضافے سے متعلق قرارداد منظورکرلی گئی۔

تفصیلات کے مطابق کے پی اسمبلی میں جے یوآئی ف کے رکن مخدوم زادہ نے تنخواہوں میں اضافے کی  قرارداد پیش کی۔

قرارداد کے متن کے مطابق پولیس دہشت گردی کے خلاف قربانیاں دے رہی ہے۔ پنجاب اور اسلام آباد پولیس کی تنخواہیں خیبرپختونخواسے زیادہ ہے۔

قرارداد کے متن میں کہا گیا کہ پولیس کے جوان سی ٹی ڈی میں تبادلہ کرانا چاہتے ہیں، سی ٹی ڈی میں الاؤنسز50 ہزارزیادہ ہے۔

واضح رہے کہ اسمبلی میں مطالبہ کیا گیا کہ کے پی پولیس کی تنخواہیں پنجاب، اسلام آباد پولیس کے برابرکی جائیں۔