مشہور فلم سن آف سردار میں سنجے دت کو کاسٹ نہیں کیا گیا

بالی ووڈ فلم انڈسٹری کے معروف و سینئر اداکار سنجے دت کو بڑا دھچکا لگ گیا ہے۔

بھارتی میڈیا رپورٹس کے مطابق مشہور فلم فلم سن آف سردار کی کامیابی کے بعد اب اس کا سیکوئل بننے جارہا ہے جس میں اداکار سنجے دت کو کاسٹ نہیں کیا گیا ہے۔

رپورٹ میں بتایا گیا کہ فلم سن آف سردار 2 کی شوٹنگ کا آغاز اسکاٹ لینڈ میں کردیا گیا ہے۔

یہ توقع تھی کہ اداکار سنجے دت جلد ہی فلم کی کاسٹ میں شامل ہونے والے ہیں لیکن ویزا مسائل کی وجہ اب وہ فلم کا حصہ نہیں ہوں گے۔

واضح رہے کہ 1993 میں جیل جانے کی وجہ سے برطانیہ کے ویزا کے لیے سنجے دت کی درخواست مسترد کردی گئی ہے۔